முதலிடத்தை இழந்த மான்செஸ்டர் சிட்டி: எர்லிங் ஹாலண்டின் எதிர்காலம் என்னவாகும்? பேசிய தந்தை

Erling haaland's father says future of son in club: நட்சத்திர வீரர் எர்லிங் ஹாலண்டின் தந்தை தனது மகனின் எதிர்காலம் குறித்து கேள்விக்கு பதிலளித்துள்ளார்.

நோர்வே கால்பந்து அணியின் நட்சத்திர வீரரான எர்லிங் ஹாலண்டின் எதிர்காலம் குறித்து கேள்விக்கு, அவரது தந்தை ஆல்ஃப் இங்கே ஹாலண்ட் பதில் அளித்துள்ளார். 

எர்லிங் ஹாலண்ட்

நடப்பு பிரீமியர் லீக் தொடரில் மான்செஸ்டர் சிட்டி அணிக்காக விளையாடி வரும் நட்சத்திர வீரரான எர்லிங் ஹாலண்ட் (Erling Haaland) அதிக கோல்களை அடித்த வீரராக முன்னிலையில் உள்ளார். 

வான்கூவர் ஒயிட்கேப்ஸ் கோல்மழை! நொறுங்கிய சியாட்டில் சௌண்டர்ஸ்

இந்தத் தொடரின் முதல் 9 போட்டிகளில் அவர் 9 கோல்களை அடித்து, தனது முந்தைய சிறப்பான ஆட்டத்தைத் தொடர்ந்து வருகிறார்.

ஆனால், பிரைட்டன் அணிக்கு எதிரான போட்டியில் ஹாலண்ட் கோல் அடிக்கவில்லை. அப்போட்டியில் மான்செஸ்டர் சிட்டி தோல்வியுற்றது.

மேலும், ஆர்சனல் அணி வெற்றி பெற்றதன் மூலம் (லிவர்பூலுக்கு எதிராக) மான்செஸ்டர் சிட்டியைப் பின்னுக்குத் தள்ளி புள்ளிப்பட்டியலில் முதலிடத்தைப் பிடித்தது. 

மான்செஸ்டர் சிட்டி 

இதற்கிடையில், 2009ஆம் ஆண்டு முதல், நிதி விதிமுறைகளை 115 முறை மீறியதாக, சுதந்திர ஆணையம் வழங்கிய தீர்ப்பின் அடிப்படையில், மான்செஸ்டர் சிட்டி அணிக்கு என்ன தண்டனை வழங்கப்படப் போகிறது என்பது குறித்த அறிவிப்பிற்காக அந்த அணி காத்திருக்கிறது.

இதன் விளைவாக, கிளப்பின் நட்சத்திர வீரர்கள் குறிப்பாக அவர்களின் முதன்மை 'நம்பர் 9' வீரரான எர்லிங் ஹாலண்ட், அணியை விட்டு வெளியேறக்கூடும் என்று பலர் கருதுகின்றனர். 

ஒருவேளை சிட்டி கிளப் மீது தண்டனை விதிக்கப்பட்டால், எர்லிங் ஹாலண்டின் எதிர்காலம் என்னவாகும் என்று அவரது தந்தை ஆல்ஃப் இங்கே ஹாலண்டிடம் கேட்கப்பட்டது. 

ஆல்ஃப் ஹாலண்ட் பதில்

அதற்கு பதிலளித்த அவர், "ஜுவென்டஸ் கிளப் விவகாரத்தில், அது ஆட்ட நிர்ணய முறைகேடு மற்றும் பிற சில குற்றச்சாட்டுகளை உள்ளடக்கியிருந்தது. மேல்முறையீட்டு செயல்முறை முடியும் வரை நாம் காத்திருக்க வேண்டும் என்று நினைக்கிறேன். இது விரைவாக முடிவுக்கு வரலாம்.

இருப்பினும், தற்போது சிட்டி கிளப்பிற்கு எதிராகக் கடும் நடவடிக்கை எடுக்கப்பட வேண்டும் என்று விரும்பும் எதிரணி ரசிகர்கள், பிற கிளப்புகள் மற்றும் குறிப்பாக சில பத்திரிகையாளர்கள் உள்ளனர். எனவே, மேல்முறையீட்டின் முடிவு என்னவாக இருக்கும் என்பதைப் பொறுத்திருந்துதான் பார்க்க வேண்டும்" என்றார்.

மேலும் ஆல்ஃப் இங்கே ஹாலண்ட் கூறுகையில், "நாம் மேல்முறையீட்டு செயல்பாட்டிற்காக காத்திருக்க வேண்டும் என்று நான் நினைக்கிறேன். தற்போது சிட்டிக்கு எதிராக பழிவாங்கும் வெறியுடன் இருக்கும் எதிரணி ஆதரவாளர்கள், கிளப்புகள் மற்றும் முக்கியமாக பத்திரிகையாளர்கள் இருந்தாலும் அது விரைவாக நடத்தக்கூடும். எர்லிங் தன்னால் முடிந்தவரை அதிக கால்பந்து விளையாடுவதைப் பற்றியே சிந்தித்து அதில் கவனம் செலுத்துகிறார். களத்திற்கு வெளியே இருக்கும் எங்களைப் போன்றவர்கள்தான் இதைப் பற்றி இன்னும் கொஞ்சம் அதிகமாக சிந்திக்கிறோம் என்று நான் நினைக்கிறேன்" என்றார்.