லங்காசிறி FM
லொட்டரியில் 114 மில்லியன் பவுண்டுகள் வென்ற தம்பதி: முதலில் என்ன வாங்கினார்கள் தெரியுமா?
Balamanuvelan
in ஐக்கிய இராச்சியம்
பிரித்தானியாவில், ஒரு தம்பதிக்கு லொட்டரியில் 114 மில்லியன் பவுண்டுகள் பரிசு விழுந்துள்ளது.
இலங்கை மதிப்பில், அது 42,26,66,51,400.00 ரூபாய் ஆகும்.
லொட்டரியில் 114 மில்லியன் பவுண்டுகள் வென்ற தம்பதி
Credit: PA:Press Association
வட அயர்லாந்திலுள்ள Moira என்னுமிடத்தில் வாழ்ந்துவரும் Frances Connolly, Paddy தம்பதியருக்கு 114 மில்லியன் பவுண்டுகள் பரிசு விழுந்துள்ளது.
அந்த பணத்தில், சுமார் 60 மில்லியன் பவுண்டுகளை அவர்கள் தங்கள் நண்பர்களுக்கும் உறவினர்களுக்கும் கொடுத்துவிட்டார்கள்.
அத்துடன், இரண்டு தொண்டு நிறுவனங்களையும் துவக்கி, பலருக்கு உதவி வருகிறார்கள் தம்பதியர்.
Credit: AFP or licensors
சரி, இவ்வளவு பெரிய தொகை பரிசாகக் கிடைத்ததே, முதன்முதலில் என்ன வாங்கினீர்கள் என்று கேட்டால், விழுந்து விழுந்து சிரிக்கிறார் பிரான்செஸ்.
எங்களுக்கு லொட்டரியில் பரிசு கிடைத்த விடயத்தை குடும்பத்தினரிடம் சொல்வதற்காக, எல்லாருமாக ஒரு ஹொட்டலுக்குச் சென்றோம். அங்கு சென்றபிறகுதான் தெரிந்தது, நான் தேவையான உடைகள் சிலவற்றை எடுத்துவரவில்லை என்பது.
ஊடகவியலாளர்கள் சந்திப்புக்கு எல்லோரும் தயாராகிக்கொண்டிருக்க, நான் எனது மகளை ரகசியமாக அழைத்து, இருவருமாக துணிக் கடைக்குச் சென்றோம்.
அப்படியானால், நான் முதன்முதலில் வாங்கிய பொருள், மூன்று ஜோடி உள்ளாடைகள்தான் என சிரிக்கிறார் பிரான்செஸ்.
அவரது கணவரான Paddyயோ, நான் ஒரு பாக்கெட் கடிகாரம் வாங்கினேன் என்கிறார்.
விடயம் என்னவென்றால், பிரித்தானிய லொட்டரி வரலாற்றில், மக்கள் வென்ற பரிசுத்தொகையில், இது நான்காவது மிகப்பெரிய தொகை என்பது குறிப்பிடத்தக்கது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
வேலணை கிழக்கு, புங்குடுதீவு 7ம் வட்டாரம், Pickering, Canada
17 Nov, 2023
புங்குடுதீவு 2ம் வட்டாரம், புங்குடுதீவு 12ம் வட்டாரம், வவுனியா, Paris, France
13 Nov, 2024
பலாலி, வட்டக்கச்சி இராமநாதபுரம், கனடா, Canada, ஜேர்மனி, Germany, உக்குளாங்குளம்
17 Nov, 2020
கொக்குவில், Nottingham, United Kingdom, Liverpool, United Kingdom
09 Nov, 2024
புங்குடுதீவு 2ம் வட்டாரம், புங்குடுதீவு 12ம் வட்டாரம், Markham, Canada
17 Oct, 2024
