லங்காசிறி FM
லொட்டரியில் பரிசு விழுந்ததாக தகவல் கிடைத்ததால் மகிழ்ச்சியில் திளைத்த பிரித்தானிய பெண்மணி... பின்னர் கிடைத்த செய்தி
பிரித்தானிய பெண்மணி ஒருவருக்கு லொட்டரியில் பரிசு விழுந்ததாக தகவல் அளிக்கப்பட்டதையடுத்து மகிழ்ச்சியில் திளைத்திருக்கிறார்.
ஆனால், கற்பனையில் மிதக்கத் துவங்கிய அந்த பெண்ணின் மகிழ்ச்சி, வெறும் பத்து நிமிடங்களுக்குதான் நீடித்திருக்கிறது.
தெற்கு லண்டனில் வாழும் Margaret De Micheli (72) என்ற அந்தப் பெண்ணுக்கு லொட்டரியில் பரிசு விழுந்துள்ளதாக உள்ளூர் தபால் நிலையத்திலிருந்து தகவல் கொடுக்கப்பட்டுள்ளது.
மகிழ்ச்சியில் திளைத்த Margaretக்கு முதலில் மனதில் தோன்றிய எண்ணம், பூஞ்சாணம் பிடித்துப்போயிருக்கும் தனது குடியிருப்பிலிருந்து வெளியேறி கடலோரமாக ஒரு வீடு வாங்கவேண்டும் என்பதுதான்.
அடுத்ததாக, அதிகாலை 3.30 மணிக்கே எழுந்து, 5.00 மணிக்கெல்லாம் பரபரப்பாக வேலைக்கு ஓடும் தன் கணவருக்கு ஓய்வு கொடுத்து, அவரை வீட்டில் உட்கார வைத்து அழகு பார்க்கவேண்டும் என்ற இந்த இரண்டு ஆசைகளைத் தவிர Margaretக்கு வேறு பெரிய ஆசைகள் எதுவும் இல்லை.
Dorsetஇலுள்ள Poole நகரில் ஒரு அழகான வீடு வாங்கிவிடவேண்டும். அப்படியே கடலோரமாக காற்று வாங்கிக்கொண்டே கணவருடன் ஓய்வு காலத்தை செலவிடவேண்டும் என்ற கற்பனையுடன், அருகிலுள்ள லொட்டரி நிலையத்துக்கு சென்று தனது லொட்டரி எண்களை இன்னொரு முறை சரிபார்க்கச் சொல்லியிருக்கிறார் Margaret.
அப்போதுதான் அவருக்கு அந்த ஏமாற்றமளிக்கும் செய்தியைச் சொல்லியிருக்கிறார் அந்த லொட்டரி நிலைய ஊழியர். அவருக்கு லொட்டரியில் பரிசு விழவில்லை என்றும், தவறுதலாக அவருக்கு பரிசு கிடைத்திருப்பதாக கூறப்பட்டிருப்பதாகவும் அந்த ஊழியர் கூற, இடிந்துபோய் உட்கார்ந்துவிட்டார் Margaret.
மீண்டும் தன் வீட்டுக்குச் சென்று முதல் வேலையாக ஜன்னலில் படிந்திருந்த பூஞ்சாணத்தை சுத்தம் செய்யத் தொடங்கிவிட்டேன் என்று கூறும் Margaret, ஆனாலும் லொட்டரிச் சீட்டு வாங்குவதை நிறுத்தமாட்டேன் என்கிறார்.
யாருக்குத் தெரியும் என்றாவது ஒரு நாள் எனக்கு லொட்டரியில் பரிசு விழலாம் என்று கூறும் Margaret, அதிகம் வேண்டாம், 25,000 பவுண்டுகள் பரிசு கிடைத்தால் கூட போதும் என்கிறார்!
Photo Credit: Simon Jones
புங்குடுதீவு 3ம் வட்டாரம், கொட்டாஞ்சேனை, Vaughan Ontario, Canada
03 Oct, 2026
கரவெட்டி மேற்கு, Lewisham, United Kingdom
12 Sep, 2003
யாழ்ப்பாணம், நெடுந்தீவு, பண்டத்தரிப்பு, Goslar, Germany, Breda, Netherlands, Montreal, Canada
29 Sep, 2026
