தவறு செய்துவிட்டேன்... பிரித்தானிய இளவரசியின் கணவருடன் அரைகுறை ஆடையில் காணப்பட்ட இளம்பெண்
பிரித்தானிய இளவரசி யூஜீனியின் கணவருடன் மேலாடை இல்லாமல் புகைப்படங்களில் காணப்பட்ட இளம்பெண், தான் செய்த தவறுக்காக வருத்தம் தெரிவித்துள்ளதுடன் இளவரசியிடம் மன்னிப்பும் கோரியுள்ளார்.
பிரித்தானிய இளவரசி யூஜீனி தனது ஐந்து மாதக் குழந்தையுடன் வீட்டிலிருக்கும் நிலையில், அவரது கணவரான ஜாக் ப்ரூக்ஸ்பேங்க் (35), படகு ஒன்றில் அரை குறை ஆடை இளம்பெண்களுடன் கும்மாளமடிப்பது போல் தோன்றும் புகைப்படங்கள் வெளியாகி பரபரப்பை ஏற்படுத்தின.
இடுப்பில் ஒரு துண்டு மட்டும் கட்டிய ஜாக்கின் அருகில் மேலாடையின்றி ஒரு பெண் நிற்கிறார். அந்த பெண் தான் ஆடையில்லாமல் இருப்பதையே உணராதவர்போல் அங்குமிங்கும் உலவுகிறார். மற்றொரு பெண் வெறும் உள்ளாடைகளுடன் படகில் நிற்கிறார். மற்றொரு பெண்ணை ஜாக் இடுப்பைப் பிடித்து அணைத்துக்கொண்டு நிற்கிறார்.
சமீபத்தில்தான் திருமணமாகி, ஒரு குழந்தைக்குத் தந்தையான ஒருவர், மனைவியையும் குழந்தையையும் வீட்டில் விட்டுவிட்டு அரை குறை ஆடை பெண்களுடன் நிற்கும் இப்படிப்பட்ட புகைப்படங்களைப் பார்க்கும் யாரும் தப்பாகத்தான் நினைப்பார்கள்.
ஆக, இந்த புகைப்படங்கள் பல்வேறு பத்திரிகைகளில் வெளியாகி பலரையும் புருவம் உயர்த்தவைக்க, இளவரசி யூஜீனியின் தாயும், ஜாக்கின் மாமியாருமான Sarah Ferguson (61) தன் மருமகன் நல்ல பிள்ளை என விளக்கம் கொடுக்க, இருந்தும் விடயம் பெரிதாகிக்கொண்டே செல்கிறது.
இந்நிலையில், ஜாக்குடன் மேலாடையின்றி அரை நிர்வாணமாக நின்ற மொடலான Erica Pelosini, தனது செயலுக்கு வருத்தம் தெரிவித்துள்ளார்.
நான் வழக்கமாக இப்படி பொது இடத்தில் ஆடை களையமாட்டேன். என் மேலாடை நனைந்துபோனதால்தான் அதை கழற்றினேன். ஆனால், அது ஜாக்கையும் அவரது குடும்பத்தையும் பொருத்தவரை அது சரியாக இருக்காது என்பது எனக்குத் தெரியும். ஜாக்குடைய மனைவி அவருடன் இல்லாதபோது அவரைச் சுற்றி பெண்களாக நிற்கும் அந்த புகைப்படங்களைப் பார்க்கும்போது எனக்கே ஒரு மாதிரி ஆகிவிட்டது.
நான் மேலாடையின்றி நிற்கிறேன், மரியா ஜாக்கை அனைத்துக்கொண்டு நிற்கிறார். கூடவே ஒரு அழகான பெண்ணும் நிற்கிறார். ஆக, மக்கள் தப்பாக நினைத்துவிட்டார்கள்.
ஆனால், மக்கள் அந்த புகைப்படங்களைப் பார்த்து தப்பான முடிவுக்கு வந்துவிட்டதை அறிந்து மனதுக்கு கஷ்டமாக உள்ளது. இளவரசி யூஜீனிக்கும் அவரது கணவர் ஜாக்குக்கும் இப்படி ஒரு தர்ம சங்கடமான நிலைமையை உருவாக்கியதற்காக மிகவும் வருந்துகிறேன். நான் மேலாடையின்றி நின்றது முறையல்ல.
ஜாக் எனக்கும் அந்த பெண்கள் இருவருக்கும் நீண்ட நாட்களாக நண்பர், நாங்கள் தொழில் முறை கூட்டாளிகளும் கூட. அப்படியிருக்கும்போது மக்கள் எங்களை தப்பாக நினைத்துவிட்டதை எண்ணும்போது அப்செட்டாகிவிட்டேன் என்று கூறியுள்ளார் Erica Pelosini.