லண்டனில் உணவு விநியோகிப்பவனாக நடித்து 17 வயது இளைஞன் செய்து வந்த அதிர்ச்சி செயல்! பொலிசார் வெளியிட்ட புகைப்படம்
பிரித்தானியாவில் உணவு விநியோகம் செய்யும் இளைஞரை பொலிசார் தடுத்து நிறுத்தி சோதனை மேற்கொண்ட போது, கடும் அதிர்ச்சி காத்திருந்தது.
பிரித்தானியாவின் மெட்ரோ பொலிஸ் தன்னுடைய டுவிட்டர் பக்கத்தில் புகைப்படம் ஒன்றை பதிவிட்டிருந்தது. அதில், உணவு வழங்கு நிறுவனத்தின் பெயரில் ஆடை அணிந்திருந்த நபரை கைது செய்து வைத்திருப்பது போன்று குறிப்பிட்டிருந்தது.
This fake take away delivery rider was nicked over night whilst riding through #shoreditch on route to drop off an order. Currently enjoying one our fine en-suites. @MPSHackney @MPSTowerHam pic.twitter.com/0EMWkBT3v8
— MPSSpecials (@MPSSpecials) September 11, 2021
அதன் பின் இது குறித்து வெளியான தகவலில், நேற்று முன் தினம் லண்டனில் இருக்கும் Shoreditch தெருவை நோக்கி Great Eastern தெரு வழியாக சென்ற சுமார் 17 வயது மதிக்கத்தக்க இளைஞன், பிரபல உணவு வழங்கும் நிறுவனமான Just Eat-ன் ஆரஞ்சு கலர் ஆடை அணிந்து கொண்டும், அதன் பை ஒன்றை வைத்துக் கொண்டும், உணவு வழங்குவது போல் இரு சக்கர வாகனத்தில் சென்றுள்ளான்.
அப்போது சந்தேகமடைந்த பொலிசார், அவரை வழிமறைத்து பேசிய போது, அவர் அங்கிருந்து எப்படியாவது செல்ல வேண்டும் என்பதிலே இருந்துள்ளார். இதற்கிடையில், அவர் வைத்திருந்த Just Eat பை உள்ளே, கஞ்சாவின் வாசனை வந்துள்ளது.
Picture: Metropolitan Police/MPSSpecials
இது பொலிசாருக்கு சந்தேகத்தை ஏற்படுத்த, உடனடியாக அந்த பையை திறந்து பார்த்த போது, உள்ளே பணம் மற்றும் கஞ்சா மறைத்து வைத்திருப்பதைக் கண்டு அதிர்ச்சியடைந்துள்ளனர்.
அதன் பின் அதை உறுதி செய்த பொலிசார் அவரை கைது செய்து விசாரணை மேற்கொண்டு வருகின்றனர். அந்த நபரிடம் இருந்து 520 பவுண்ட் பணம் கைப்பற்றியிருப்பதாகவும், தொடர்ந்து விசாரணை நடைபெற்று வருவதாகவும் பொலிசார் தெரிவித்துள்ளனர்.
Picture: Metropolitan Police/MPSSpecials