இளவரசர் ஹரியைப்போல சொந்த நாட்டை விட்டு வெளியேறும் பிரபல நடிகர்

இளவரசர் ஹரி தன் மனைவிக்காக தன் சொந்த நாட்டைவிட்டு வெளியேறி அமெரிக்காவில் குடியமர்ந்துள்ளதுபோல, அமெரிக்க நடிகர் ஒருவர் தன் சொந்த நாட்டை விட்டு வெளியேற முடிவு செய்துள்ளார்.

நடிகரை ஒதுக்கிய குடும்பம்

இளவரசர் ஹரியைப்போல, பிரபல ஹாலிவுட் நடிகரான ப்ராட் பிட் (Brad Pitt), தன் சொந்த நாட்டை விட்டு வெளியேறுகிறார்.

இந்த ப்ராட் பிட், பிரபல நடிகையான ஏஞ்சலினா ஜோலியின் கணவர் ஆவார்.

திரைப்படங்களில் ஹீரோக்களாக இருப்பவர்களும், வில்லன்களாக இருப்பவர்களும், நிஜ வாழ்க்கையில் எதிரெதிர் குணங்களுடன் இருப்பது பலரும் அறிந்த விடயம்தான்.

அதேபோல, ஏராளம் ரசிகர்களின் மனதைக் கொள்ளையடித்தவரான ஏஞ்சலினா ஜோலியின் நிஜ வாழ்க்கையும் அப்படித்தான் இருக்கிறது.

கணவருடன் கருத்துவேறுபாடு ஏற்பட்டபோது, தங்கள் பிள்ளைகளை கணவருக்கெதிராக ஏஞ்சலினா திருப்பி விட்டதைக் கண்டபோது, உலகமே, ஏஞ்சலினாவா இப்படி என ஆச்சரியமடைந்தது.

அதைத் தொடர்ந்து, ப்ராட் பிட், ஏஞ்சலினா ஜோலியின் மகளான Shiloh Nouvel Jolie-Pitt, தன் தந்தை பெயரை தன்னுடன் இனி சேர்த்து எழுதுவதில்லை என முடிவு செய்து, தன் பெயரை Shiloh Jolie என்று மாற்றிக்கொண்டார்.

தம்பதியரின் மகன், பேட்டி ஒன்றில் தனது தந்தையை மோசமான வார்த்தைகளால் விமர்சித்திருந்தார்.

மொத்தத்தில், ப்ராட் பிட்டின் பிள்ளைகள் அவருக்கெதிராக திரும்பிவருகிறார்கள்.

சொந்த நாட்டை விட்டு வெளியேறும் பிரபல நடிகர்

ஆக, தன் பிள்ளைகள் ஒவ்வொருவராக தன்னைவிட்டு விலகிச் செல்வதை அறிந்து கடும் மன உளைச்சலுக்காளானார் ப்ராட் பிட்.

இந்நிலையில், ப்ராட் பிட்டின் நெருங்கிய நண்பரான பிரபல நடிகர் ஜார்ஜ் க்ளூனியின் ஆலோசனையின்பேரில், மன வேதனையிலிருக்கும் பிராட் பிட், அமெரிக்காவிலிருந்து வெளியேற முடிவு செய்திருப்பதாக தகவல் வெளியாகியுள்ளது.

பிரான்ஸ் ப்ராட் பிட்டுக்கு மிகவும் விருப்பமான நாடாகும். மனைவியுடனான பிரச்சினைகள் தீர்ந்துவிடும் என நீண்ட காலமாக காத்திருந்த ப்ராட் பிட், பிள்ளைகளையும் தன் மனைவி தனக்கெதிராக திருப்பிவிடுவதால், இனி அதற்கு வாய்ப்பில்லை என முடிவு செய்துவிட்டார் போலும்.

ஆக, அவர் இப்போது Ines De Ramon என்னும் இளம்பெண்ணைக் காதலிக்கிறார். இருவருமாக பிரான்ஸ் போன்றதொரு ஐரோப்பிய நாட்டில் குடியமர திட்டமிட்டுவருவதாக கூறப்படுகிறது.