பிரபல ஹாலிவுட் நடிகர் மீது படுமோசமான வன்கொடுமை புகார் அளித்த முன்னாள் மனைவி!

பிரபல ஹாலிவுட் நடிகர் ஜானி டெப் தனது பிறப்புறுப்பில் மதுபாட்டிலை திணித்து கொடுமை செய்ததாக அவரது முன்னாள் மனைவி பரப்பரப்பு குற்றச்சாட்டை முன் வைத்துள்ளார். பைரேட்ஸ் ஆஃப் தி கரீபியன் படங்களில் நடித்து புகழ் பெற்றவர் ஜானி டெப்.

இவர் நடிகை அம்பர் ஹெர்ட்டை இரண்டாவதாக திருமணம் செய்துகொண்டார். ஆனால் இருவருக்கும் உள்ள கருத்து வேறுபாடு காரணமாக விவாகரத்துக்கு விண்ணப்பித்தனர். அதனைத் தொடர்ந்து விவாகரத்து வழக்கு நீதிமன்றத்தில் நடந்து வருகிறது.

அம்பர் ஹெர்ட் தன்னை அடித்து துன்புறுத்தியதாகவும், தனது விரலை துண்டித்ததாகவும் கூறி 350 கோடி நஷ்ட ஈடு அவர் தர வேண்டும் என்று பல ஆதாரங்களை ஜானி டெப் நீதிமன்றத்தில் சமர்ப்பித்தார். 3 ஆண்டுகளாக இந்த வழக்கு நடந்து வரும் நிலையில், அம்பர் ஹெர்ட்டும் தன்னை ஜானி கொடுமைபடுத்தியதாக குற்றச்சாட்டை முன் வைத்தார்.

இந்நிலையில், இந்த வழக்கு மீண்டும் நேற்று விசாரணைக்கு வந்தது. அப்போது பேசிய அம்பர் ஹெர்ட், அவுஸ்திரேலியாவுக்கு சுற்றுப்பயணம் சென்றபோது தனது பிறப்புறுப்பில் மதுபான பாட்டிலை நுழைத்து ஜானி வன்கொடுமை செய்ததாகவும், அதனால் காயம் ஏற்பட்டு சிகிச்சை பெற்றதாகவும் கூறி ஆதாரங்களை சமர்ப்பித்தார்.

மேலும் பேசிய அம்பர் ஹெர்ட், 'மற்றவர்களை போல ஜானி டெப் நல்லவர் என நம்பித் தான் திருமணம் செய்தேன். ஆனால் அவர் குடிபோதையில் கொடுக்கும் தொல்லைகளை தாங்க முடியாமல் விவாகரத்து முடிவுக்கு வந்துவிட்டேன்' என தெரிவித்துள்ளார். இருவரும் மாறி மாறி குற்றச்சாட்டுகளை முன்வைத்து வரும் நிலையில், இந்த வழக்கிற்கு எப்போது தான் தீர்வு கிடைக்கும் என ரசிகர்கள் காத்திருக்கின்றனர்.