குடும்பமே தீயில் சிதைந்த சோகம்: கணவன், 5 குழந்தைகள் உடல் கருகி மரணம்

அவுஸ்திரேலியாவில் வீட்டில் ஏற்பட்ட தீ விபத்தில் தந்தை 5 குழந்தைகள் உடல் கருகி பரிதாபமாக உயிரிழந்தனர்.

அவுஸ்திரேலியாவில் குயின்ஸ்லாந்தின் ரசல் தீவில் ஞாயிற்றுக்கிழமை (ஆகஸ்ட் 6) காலை 6 மணியளவில் இந்த துயர சம்பவம் நடந்துள்ளது. வீட்டில் ஏற்பட்ட தீ விபத்தில் 5 சிறுவர்களும் அவர்களது தந்தையும் உயிரிழந்தனர். இந்த சம்பவம் மிகவும் சோகமானது என பொலிஸார் தெரிவித்துள்ளனர்.

பிரிஸ்பேன் அருகே ரசல் தீவில் உள்ள வீடு ஒன்று ஞாயிற்றுக்கிழமை அதிகாலை தீப்பிடித்தது. இந்த தீ விபத்தில் வீடு முற்றிலும் எரிந்து நாசமானது. மேலும் இரண்டு வீடுகள் சேதமடைந்தன.

dailymail

இறந்த குழந்தைகளின் தாயாக கருதப்படும் 28 வயதுடைய பெண் ஒருவர் இந்த துயர சம்பவத்தில் இருந்து உயிர்தப்பினார். அப்பெண் காயங்களுடன் மருத்துவமனையில் அனுமதிக்கப்பட்டார்.

கணவன் மற்றும் பிள்ளைகள் பரிதாபமாக உயிரிழந்துள்ளமையினால் குறித்த பெண் மன உளைச்சலில் இருப்பதாக பொலிஸார் தெரிவித்துள்ளனர்.

34 வயதுடைய நபர் ஒருவரும், 11 மற்றும் 10 வயதுடைய சிறுவர்களும், நான்கு வயது இரட்டைக் குழந்தைகளும், மூன்று வயதுச் சிறுவனும் உயிரிழந்துள்ளதாக குயின்ஸ்லாந்து பொலிஸார் மேலும் தெரிவித்தனர்.

dailymail

வீட்டுக்குள் இருந்த 28 வயது பெண்ணுக்கு சிகிச்சை அளிக்கப்பட்டு வருவதாக தெரிவிக்கப்பட்டுள்ளது.

இதேவேளை, இந்த சம்பவத்தில் மேலும் 9 பேர் சிறு காயங்களுக்கு உள்ளாகியுள்ளனர். தீ விபத்துக்கான காரணம் இதுவரை அறியப்படவில்லை, மேலும் தீயை அணைக்க சுமார் 20 தீயணைப்பு வீரர்கள் ஈடுபடுத்தப்பட்டதாக தெரிவிக்கப்பட்டுள்ளது.

NineNews