உலகக்கிண்ண கால்பந்து திருவிழா: இதுவரை அதிகமுறை சாம்பியன் யார்?

உலகக்கிண்ண கால்பந்து தொடரில் சாம்பியன் பட்டத்தை வென்ற அணிகள் குறித்து இங்கு காண்போம். 

உலகக்கிண்ண கால்பந்து தொடர்

2026 உலகக்கிண்ண கால்பந்து தொடர் அமெரிக்கா, கனடா மற்றும் மெக்சிகோ நாடுகளில் நடைபெற உள்ளது. 

ஜோ ரூட்டை பின்னுத்தள்ளி முதலிடம் பிடித்த வீரர்: டாப் 10-யில் இரண்டு இலங்கை வீரர்கள்

12ஆம் திகதி தொடங்கும் முதல் போட்டியில் மெக்சிகோ மற்றும் தென் ஆப்பிரிக்கா அணிகள் மோதுகின்றன.

ஜாம்பவான் வீரர்களான ரொனால்டோ (போர்த்துகல்), மெஸ்ஸி (அர்ஜென்டினா) ஆகியோருக்கு இது கடைசி உலகக்கிண்ணம் என்று கருதப்படுவதால், இத்தொடருக்கு எதிர்பார்ப்பு நிலவுகிறது.

இதுவரை சாம்பியன்கள்

பிரேசில்

நடப்பு சாம்பியனாக அர்ஜென்டினா அணி இருந்தாலும், தென் அமெரிக்க நாடான பிரேசில் அதிகமுறை கிண்ணத்தை வென்று முதலிடத்தில் உள்ளது.

1958ஆம் ஆண்டில் முதல் முறையாக சாம்பியன் ஆன பிரேசில், அதனைத் தொடர்ந்து 1962, 1970, 1994 மற்றும் 2002 ஆகிய ஆண்டுகளில் கிண்ணத்தைக் கைப்பற்றியது. 6 முறை இறுதிப்போட்டிக்கு சென்ற பிரேசில், 22 முறை உலகக் கிண்ணத் தொடர்களில் பங்கேற்றுள்ளது.

ஜேர்மனி

ஐரோப்பிய நாடான ஜேர்மனி இதுவரை 4 முறை உலகக் கிண்ணத்தை வென்றுள்ளது. 1954, 1974, 1990 மற்றும் 2014ஆம் ஆண்டுகளில் ஜேர்மனி சாம்பியன் ஆனது. ஜேர்மனி 8 முறை இறுதிப் போட்டிக்கு சென்றுள்ளது. 20 முறை உலகக் கிண்ணத் தொடர்களில் ஜேர்மனி அணி பங்கேற்றுள்ளது. 

இத்தாலி

2026 தொடரில் பங்கேற்கும் தகுதியை இழந்த இத்தாலி அணி 4 முறை சாம்பியன் பட்டம் வென்றுள்ளது. 1934ஆம் ஆண்டில் முதல் முறையாக சாம்பியன் ஆன இத்தாலி, அதன் பின்னர் 1938, 1982 மற்றும் 2006ஆம் ஆண்டுகளில் கிண்ணம் வென்றது. 6 முறை இறுதிப்போட்டிக்கு சென்றுள்ள இத்தாலி, இதுவரை 18 முறை உலகக் கிண்ணத் தொடர்களில் பங்கேற்றுள்ளது.

அர்ஜென்டினா

நடப்பு சாம்பியனான அர்ஜென்டினா அணி 1978, 1986 மற்றும் 2002ஆம் ஆண்டுகளில் என மூன்று முறை மகுடம் சூடியுள்ளது. மொத்தம் 18 முறை உலகக் கிண்ணத் தொடர்களில் பங்கேற்றுள்ள அர்ஜென்டினா, அதில் 6 முறை இறுதிப்போட்டிக்கு சென்றுள்ளது. 

பிரான்ஸ்

பிரான்ஸ் அணி 1998 மற்றும் 2018ஆம் ஆண்டுகளில் சாம்பியன் பட்டத்தை வென்றது. 16 முறை உலகக் கிண்ணத் தொடர்களில் பங்கேற்றுள்ள பிரான்ஸ், 4 முறை இறுதிப்போட்டிக்கு சென்றுள்ளது. 

உருகுவே

தென் அமெரிக்க நாடான உருகுவே 1930 மற்றும் 1950ஆம் ஆண்டுகளில் சாம்பியன் பட்டம் வென்றது. இதுவரை 14 முறை உலகக் கிண்ணத் தொடர்களில் பங்கேற்றுள்ள உருகுவே ஒருமுறை மட்டுமே இறுதிப்போட்டிக்கு சென்றது.

1950ஆம் ஆண்டு உலகக்கிண்ணப் போட்டியில் நாக்-அவுட் சுற்று எதுவும் இடம்பெறவில்லை. இறுதிப் போட்டிக்கு மாற்றாக, நான்கு அணிகள் கொண்ட இறுதிச் சுற்றுக் குழுவில் வெற்றி பெற்றதன் மூலம் உருகுவே அணி கிண்ணத்தைக் கைப்பற்றியது.

இங்கிலாந்து

1966ஆம் ஆண்டில் மேற்கு ஜேர்மனியை வீழ்த்தி இங்கிலாந்து அணி உலகக்கிண்ண சாம்பியன் ஆனது.

அதன் பின்னர் இங்கிலாந்து அணி இறுதிப்போட்டிக்கு செல்லவில்லை. 16 முறை உலகக்கிண்ணத் தொடர்களில் இங்கிலாந்து பங்கேற்றுள்ளது.

ஸ்பெயின்

2010ஆம் ஆண்டில் முதல் முறையாக இறுதிப்போட்டிக்கு முன்னேறிய ஸ்பெயின் அணி 1-0 என்ற கணக்கில் நெதர்லாந்தை வீழ்த்தி சாம்பியன் ஆனது. ஸ்பெயின் அணி 16 முறை உலகக்கிண்ணத் தொடர்களில் பங்கேற்றுள்ளது.