கிறிஸ் கெயிலின் சிக்ஸர் சாதனை முறியடிப்பு - T20 போட்டியில் 2 உலக சாதனை படைத்த ஃபின் ஆலன்

 T20 கிரிக்கெட் போட்டியில் ஃபின் ஆலன் 2 உலக சாதனைகளை படைத்துள்ளார்.

MLC தொடர்

அமெரிக்காவில் மேஜர் லீக் கிரிக்கெட்(MLC) என்னும் T20 தொடர் நடைபெற உள்ளது. இதில் முதல் போட்டியில், San Francisco Unicorns மற்றும் Washington Freedom அணிகள் மோதியது.

நாணய சுழற்சியில் வென்ற வாஷிங்டன் அணி, முதலில் பந்து வீச்சை தேர்வு செய்தது. 

முதலில் துடுப்பாட்டம் ஆடிய சான் பிரான்சிஸ்கோ அணி, 20 ஓவர்கள் முடிவில், 5 விக்கெட்கள் இழப்பிற்கு 269 ஓட்டங்கள் எடுத்தது. அதிரடியாக ஆடிய தொடக்க ஆட்டக்காரர் Finn Allen, 51 பந்துகளில் 151 ஓட்டங்கள் குவித்தார். 

ஐபிஎல் இறுதிப் போட்டியில் தோல்வியுற நானே காரணம்! வெளிப்படையாக கூறிய வீரர்

தொடர்ந்து, 270 என்ற வெற்றி இலக்குடன் களமிறங்கிய வாஷிங்டன் அணி, 13.1 ஓவர்களிலே அனைத்து விக்கெட்களையும் இழந்து, 146 ஓட்டங்கள் மட்டுமே எடுத்தது. இதன் மூலம், சான் பிரான்சிஸ்கோ அணி 123 ஓட்டங்கள் வித்தியாசத்தில் வெற்றி பெற்றது. 

இந்த போட்டியில், பின் ஆலன் 51 பந்துகளில் 19 சிக்ஸர், 5 பவுண்டரி உட்பட 151 ஓட்டங்கள் குவிப்பார்.

2 உலக சாதனைகள்

இதன் மூலம், ஆலன் T20 கிரிக்கெட்டில் 2 உலக சாதனைகளை படைத்துள்ளார். 19 சிக்ஸர் விளாசியதன் மூலம், ஒரு T20 போட்டியியில் அதிக சிக்ஸர் அடித்த வீரர் என்ற சாதனையை படைத்துள்ளார்.

முன்னதாக கிறிஸ் கெயில் மற்றும் சகில் சௌஹான்பி 18 சிக்ஸர்கள் அடித்ததே உலக சாதனையாக இருந்தது. 

Most Sixes Hit by a Batter in a T20 Innings:

19 - #FinnAllen (SFU) vs WF, Oakland Coliseum, 2025

18 - Chris Gayle (Rangpur Riders) vs Dhaka Dynamites, Mirpur, 2017

18 - Sahil Chauhan (Estonia) vs Cyprus, Episkopi, 2024#MLC2025
pic.twitter.com/XoBE3a1q2c

— CREX (@Crex_live) June 13, 2025

மேலும், 51 பந்துகளில் 151 ஓட்டங்கள் குவித்து, T20 கிரிக்கெட்டில் குறைந்த பந்துகளில் 150 ஓட்டங்கள் எடுத்த வீரர் என்ற பெருமையையும் பெற்றுள்ளார்.

முன்னதாக தேவால்ட் ப்ரேவிஸ் 52 பந்துகளில் 150 ஓட்டங்கள் எடுத்ததே சாதனையாக இருந்தது. நேற்றைய போட்டியில், 49 பந்துகளில் 150 ஓட்டங்கள் எடுத்து ஆலன் அந்த சாதனையை முறியடித்துள்ளார். 

மேலும், MLC தொடரில் நிக்கோலஸ் பூரான் 137 ஓட்டங்கள் எடுத்ததே ஒரு வீரரின் அதிகபட்ச ஓட்டமாக இருந்தது. நேற்றைய போட்டியில் ஆலன் அதையும் முறியடித்துள்ளார்.

மேலும், 34 பந்துகளில் சதமடித்ததன் மூலம், MLC தொடரில் அதிவேக சதமடித்த வீரர் என்ற பெருமையையும் பெற்றுள்ளார்.