வீட்டின் சுவருக்குள் கேட்ட முனகல் சத்தம்! உடைத்த பார்த்த பொலிசாருக்கு காத்திருந்த அதிர்ச்சி: வெளியான புகைப்படங்கள்
அமெரிக்காவில் வீடு ஒன்றில் திருட முயன்ற திருடன் வீட்டின் சுவருக்குள் மாட்டிக் கொண்ட சம்பவத்தின் புகைப்படம் இணையத்தில் அதிக அளவில் பகிரப்பட்டு வருகிறது.
அமெரிக்காவின் Maryland-ல் உள்ள Montgomery County-யில் இருக்கும் Silver Spring பகுதியில் இருக்கும் வீடு ஒன்றில், கடந்த 8-ஆம் திகதி சனிக்கிழமை, அதிகாலை நேரத்தில் அந்த வீட்டின் உரிமையாளருக்கு ஏதோ ஒரு முனகல் சத்தம் போன்று கேட்டுள்ளது.
(Image: Montgomery County (MD) Fire & Rescue Service)
இதனால் அவர் உடனடியாக பொலிசாரை அழைக்க, பொலிசார் உடனடியாக அப்பகுதியை அடைந்துள்ளனர். அதன் பின் வீட்டை சோதனை செய்த போது, வீட்டின் chimney(புகைபோக்கி) இருக்கும் இடத்தில் தான் சத்தம் வருவதை பொலிசார் கண்டுபிடித்துள்ளனர்.
இதையடுத்து அந்த சுவரை உடைத்து பார்த்த போது, உள்ளே திருடன் ஒருவன் பயத்தில் அழுதபடி இருந்துள்ளான்.
(Image: Montgomery County (MD) Fire & Rescue Service)
இதைக் கண்டு அதிர்ச்சியடைந்த பொலிசார், அதன் பின் சுமார் ஒன்றரை மணி நேரத்திற்கு பின், அந்த நபரை மீட்ட பொலிசார் அருகில் இருக்கும் மருத்துவமனையில் அனுமதித்துள்ளனர்.
இந்த சம்பவம் தொடர்பான விசாரணை தொடர்ந்து நடைபெற்று வருகிறது. இது தொடர்பான புகைப்படங்கள் இணையத்தில் அதிக அளவில் பகிரப்பட்டு வருகிறது.