லங்காசிறி FM
நாவூறும் சுவையில் அருமையான மீன் பிரியாணி: எப்படி செய்வது?
அசைவ பிரியர்களுக்கு மிகவும் பிடித்த உணவுகளில் ஒன்று பிரியாணி. பிரியாணி பிடிக்காத ஒருவரை கூட பார்ப்பது அரிதான விஷயம்.
காலை, மதியம், இரவு என மூன்று நேரம் பிரியாணி கொடுத்தாலும் நம்மில் பலர் சலிக்காமல் சாப்பிடுவோம்.
அந்தவகையில், வித்யாசமான சுவையில், சுவையான மீன் பிரியாணி எளிமையான முறையில் எப்படி செய்வது என்று பார்க்கலாம்.
தேவையான பொருட்கள்
- வறுத்து அரைக்க
- கொத்தமல்லி- ½ ஸ்பூன்
- சீரகம்- ½ ஸ்பூன்
- சோம்பு- ½ ஸ்பூன்
- மிளகு- ½ ஸ்பூன்
- கிராம்பு- 3
- நட்சத்திர சோம்பு- 1
- ஏலக்காய்- 3
- பட்டை- 1 துண்டு
மீன் ஊறவைக்க
- முள் இல்லாத மீன்- ½ kg
- தயிர்- ½ கப்
- இஞ்சி பூண்டு பேஸ்ட்- 1 ஸ்பூன்
- மிளகாய் தூள்- 1 ஸ்பூன்
- மஞ்சள் தூள்- ¼ ஸ்பூன்
- எலுமிச்சை சாறு- 1 ஸ்பூன்
- உப்பு- தேவையான அளவு
பிரியாணி செய்வதற்கு
- பாசுமதி அரிசி- 2 கப்
- எண்ணெய்- தேவையான அளவு
- பிரியாணி இலை- 2
- கருப்பு சீரகம்- ½ ஸ்பூன்
- நெய்- 3 ஸ்பூன்
- புதினா இலை- 1 கைப்பிடி
- கொத்தமல்லி இலை- 1 கைப்பிடி
- பொரித்த வெங்காயம்- 1 கைப்பிடி
- பால்- 5 ஸ்பூன்
- குங்குமப்பூ- 3 இதழ்
செய்முறை
முதலில் ஒரு வாணலில் கொத்தமல்லி, சீரகம், சோம்பு, மிளகு, கிராம்பு, நட்சத்திர சோம்பு, ஏலக்காய், பட்டை இவற்றை சேர்த்து மிதமான தீயில் பொன்னிறமாக வறுத்து எடுத்துக்கொள்ளவும்.
பின் இதனை நன்கு ஆறவைத்து பொடியாக நன்கு அரைத்து எடுத்துக்கொள்ளவும்.
அடுத்து மீன் ஊறவைக்க ஒரு பாத்திரத்தில் தயிர், இஞ்சி பூண்டு பேஸ்ட், மிளகாய் தூள், மஞ்சள் தூள், எலுமிச்சை சாறு, உப்பு மற்றும் அரைத்து வைத்த மசாலா சேர்த்து கலந்து அதனுடன் முள் இல்லாத மீன் சேர்த்து 20 நிமிடங்கள் நன்கு ஊறவைக்கவும்.
அடுத்து ஒரு பாத்திரத்தில் எண்ணெய் ஊற்றி அதில் பட்டை, பிரியாணி இலை, கிராம்பு, கருஞ்சீரகம், ஏலக்காய் சேர்த்து வதக்கி பின் தண்ணீர் ஊற்றி கொதித்ததும் அதில் கழுவி சுத்தம் செய்து வைத்துள்ள அரிசியை சேர்த்து 70% வேகவைத்து எடுத்துக்கொள்ளவும்.
அடுத்து ஒரு அடிகனமான பாத்திரத்தில் நெய் சேர்த்து அதில் ஊறவைத்த மீன் அதன் மாசாலாவுடன் சேர்த்து மிதமான தீயில் வைத்து வேகவைக்கவும்.
மீன் நன்கு வெந்து வந்ததும் இதன் மேல் கொத்தமல்லி இலை, புதினா இலை, பொரித்த வெங்காயம் சேர்த்து அதன் மேல் வேகவைத்த பாசுமதி அரிசியை பாதி போட்டு பின் கொத்தமல்லி இலை, புதினா இலை மற்றும் பொரித்த வெங்காயம் சேர்க்கவும்.
அதன் மேல் மீதி உள்ள பாசுமதி அரிசியையும் சேர்த்து பின் கொத்தமல்லி இலை, புதினா இலை மற்றும் பொரித்த வெங்காயம் சேர்த்து அதில் நெய் மற்றும் பாலில் ஊறவைத்த குங்குமப்பூ சேர்த்து மூடி போட்டு மிதமான தீயில் 20 நிமிடம் வைத்து தம் போட்டு இறக்கினால் சுவையான மீன் பிரியாணி தயார்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP இல் இணையுங்கள். |
புங்குடுதீவு 4ம் வட்டாரம், புங்குடுதீவு 8ம் வட்டாரம், Zürich, Switzerland
20 Nov, 2024
வேலணை மேற்கு 8ம் வட்டாரம், Jaffna, London, United Kingdom
23 Nov, 2024
வட்டுக்கோட்டை, மட்டக்களப்பு, கல்முனை, சுன்னாகம், வெள்ளவத்தை, கனடா, Canada
30 Nov, 2023
கோண்டாவில் மேற்கு, மானிப்பாய், சவுதி அரேபியா, Saudi Arabia, Baden, Switzerland
26 Nov, 2021
சங்கானை, யாழ்ப்பாணம், புங்குடுதீவு 6ம் வட்டாரம், Scarborough, Canada
20 Nov, 2024
கோண்டாவில் மேற்கு, வவுனியா, Milton Keynes, United Kingdom
17 Nov, 2024
