லங்காசிறி FM
ஐஸ்லாந்தை விடக் கடும் குளிரில் தத்தளிக்கும் ஒரு அமெரிக்க மாகாணம்: பொதுமக்களுக்கு எச்சரிக்கை
புளோரிடா மாகாணத்தில் தீவிர பனிப்புயல் வரலாறு காணாத பனிப்பொழிவை ஏற்படுத்திவரும் நிலையில், வெப்பநிலை ஐஸ்லாந்தை விடக் குறையும் என்று எதிர்பார்க்கப்படுகிறது.
தயார்படுத்திக் கொள்ள
நோர்டிக் தீவு நாடான ஐஸ்லாந்தில் உள்ளதை விடக் குளிரான வெப்பநிலையை எதிர்கொள்ள புளோரிடா மக்கள் தங்களைத் தயார்படுத்திக் கொள்ள வேண்டும் என்று வானிலை முன்னறிவிப்புகள் வெளியிடப்பட்டுள்ளது.
ஞாயிற்றுக்கிழமை இரவு முதல் திங்கள் காலை வரை கடும் உறைபனி எதிர்பார்க்கப்படுவதாக தேசிய வானிலை சேவை எச்சரித்துள்ளது. தம்பா விரிகுடாவில் பெரும்பாலான பகுதிகளில் வெப்பநிலை மீண்டும் உறைபனிக்குக் கீழே குறையும் என்றும், இப்பகுதியின் வடக்கு மற்றும் மத்திய பகுதிகளில் 22 டிகிரி வரை மிகக் குறைந்த கடும் உறைபனி வெப்பநிலையும், 17 டிகிரி வரை குறைந்த காற்று குளிர்ச்சியும் இருக்கும் என அறிவித்துள்ளனர்.
உயிருக்கு ஆபத்தான
மேலும், தண்ணீரில் இருப்பது சிறிய படகுகள் மற்றும் கப்பல்களுக்கும் ஆபத்தானதாக மாறும் என்று அதிகாரிகள் தெரிவிக்கின்றனர். ஆர்லாண்டோவில் இன்றிரவு 29 டிகிரி அளவுக்கு ஆபத்தான குளிர் வெப்பநிலை பதிவாகக்கூடும் - இது 1980 இல் பதிவான 32 டிகிரி என்ற சாதனையை முறியடிக்கும் என்றே குறிப்பிட்டுள்ளனர்.
150 மில்லியனுக்கும் அதிகமான அமெரிக்கர்கள் உயிருக்கு ஆபத்தான குளிர் காலநிலை எச்சரிக்கையின் கீழ் உள்ளனர். ஆபத்தான பனிப்புயலால், கரோலினாஸ், வர்ஜீனியா மற்றும் ஜார்ஜியா உள்ளிட்ட மாகாணங்கள் மிகவும் பாதிக்கப்பட்டுள்ளன, புளோரிடாவின் தம்பா வரை தெற்கே பனிப்பொழிவு காணப்பட்டது.
கடந்த வார இறுதியில் ஏற்பட்ட குளிர்கால புயல் ஃபெர்னில் இருந்து பாதிக்கப்பட்ட சில பகுதிகள் இன்னும் மீண்டு வருகின்றன, குடியிருப்பாளர்கள் மின் தடைகளை அனுபவிக்கின்றனர்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள் |
மாத்தளை, யாழ்ப்பாணம், மல்லாகம், கிளிநொச்சி, Bruchsal, Germany, London, United Kingdom
14 Jan, 2025
புங்குடுதீவு 12ம் வட்டாரம், புங்குடுதீவு 8ம் வட்டாரம், Toronto, Canada
02 Feb, 2023
