37 ரகசிய குழந்தைகள்... தனக்கு குடும்பமே இல்லையே என வருந்திய நபருக்கு கிடைத்த இன்ப அதிர்ச்சி
தனக்கு குடும்பம் என்று சொல்லிக்கொள்ள யாருமே இல்லையே என வருத்தத்துடன் வாழ்ந்துவந்த அமெரிக்கர் ஒருவர், தனக்கு 37 பிள்ளைகள் இருப்பது சமீபத்தில் தெரியவந்ததால், மகிழ்ச்சியில் திளைத்துப்போயிருக்கிறார்.
தனக்கு குடும்பமே இல்லையே என வருந்திய நபர்
அமெரிக்காவின் கலிபோர்னியாவில் வாழ்ந்துவருபவர், பீற்றர் (Peter Ellenstein, 62). தனக்கென குடும்பம் என்று சொல்லிக்கொள்ள யாரும் இல்லையே என்ற கவலை எப்போதுமே பீற்றருக்கு உண்டாம்.
Credit: Supplied
2017ஆம் ஆண்டு, முகநூலை பார்வையிட்டுக்கொண்டிருந்த பீற்றருக்கு ஒரு செய்தி வந்துள்ளது. ரேச்சல் (Rachel White) என்னும் ஒரு இளம்பெண், நீங்கள் என்னுடைய தந்தையாக இருக்கக்கூடும் என நான் கருதுகிறேன் என்று அந்த செய்தியில் குறிப்பிட்டுள்ளார். முதலில் யாரோ விளையாடுவதாக நினைத்த பீற்றர், பின்னர் ரேச்சலை நேரில் சந்திக்க, அவரது வாழ்வே மாறிப்போனது.
கிடைத்த இன்ப அதிர்ச்சி
1980, 90களில், பீற்றர் உயிரணு தானம் செய்பவராக இருந்துள்ளார். அந்த காலகட்ட சட்டப்படி, எலும்பு மஜ்ஜை தானம் தொடர்பில் ஏதேனும் பிரச்சினை என்றாலொழிய உயிரணு தானம் செய்தவரை சந்திக்க வாய்ப்பில்லை.
Credit: Supplied
ஆனால், இப்போது பல விடயங்கள் மாறிவிட்டன. தனது தந்தை யார் என கண்டறியவும் பல வழிமுறைகள் உள்ளன. ஆக, ரேச்சல் தன் தந்தை யார் என கண்டுபிடித்துவிட்டார்.
இரண்டாவது முறை ரேச்சல் பீற்றரை சந்தித்தபோது, அவரது பிள்ளைகளான மேலும் 11 பேர் குறித்த விவரங்களை அவருக்குக் கொடுத்துள்ளார் ரேச்சல்.
Credit: Supplied
இப்போது, தான் உயிரணு தானம் கொடுத்து, அதன் மூலம் பிறந்த பிள்ளைகள் 37 பேரில், 36 பேரை பீற்றர் சந்தித்துவிட்டார். அடிக்கடி அனைவரும் விசேஷ நிகழ்ச்சிகள், விருந்துகளில் சந்தித்துக்கொள்கிறார்கள்.
சிலர் தொடர்ந்து மொபைல் மூலம் பீற்றருடன் தொடர்பிலிருக்கிறார்கள். சிலருடைய திருமணங்களில் பீற்றர் பங்கேற்றுள்ளார். சிலர் பீற்றருடன் உலகம் சுற்றுகிறார்கள். ஆக, குடும்பமே இல்லை என எண்ணி வருந்திக்கொண்டிருந்த தன் வாழ்வே மாறிப்போய்விட்டது என்கிறார் பீற்றர்.
Credit: Supplied
Credit: Supplied
உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP இல் இணையுங்கள். |