கடுமையான வெப்ப அலை எச்சரிக்கை... மது அருந்துவதைத் தடை செய்யும் பிரான்ஸ்

வெப்ப அலை காரணமாக வெப்பநிலை சாதனை அளவை நெருங்கி வருவதால், பிரான்ஸில் நடைபெறும் பிரம்மாண்டமான தேசிய இசை விழாவின் சில நிகழ்வுகளில் மதுபானத்திற்குத் தடை விதிக்கப்பட்டுள்ளது.

மதுபானம் வழங்கக்கூடாது

பிரான்ஸில் கடந்த 40 வருடங்களாக ஆண்டுதோறும் நடைபெறும் Fête de la Musique கொண்டாட்டங்கள் லட்சக்கணக்கான மக்களை ஈர்த்துள்ளபோதிலும், பிரான்ஸின் 35 மாகாணங்களுக்கு மிகக் கடுமையான வெப்ப அலை எச்சரிக்கைகள் விடுக்கப்பட்டுள்ளன.

சிவப்பு எச்சரிக்கை விடுக்கப்பட்டுள்ள நிலையில், பொது இடங்களில் மது அருந்துவதை அரசு தடை செய்துள்ளது. பிரதமர் செபாஸ்டியன் லெகோர்னுவின் அலுவலகம் வெளியிட்டுள்ள தகவலில், அரசு மற்றும் அதன் அமைப்புகளால் ஏற்பாடு செய்யப்படும் அனைத்து நிகழ்ச்சிகளிலும் மதுபானம் வழங்கக்கூடாது என்று அறிவுறுத்தப்பட்டுள்ளது.

ஞாயிற்றுக்கிழமையன்று, தென்மேற்குப் பகுதியிலிருந்து பாரிஸ் பிராந்தியம் வழியாக பர்கண்டி வரை 39 டிகிரி முதல் 40 டிகிரி வரையிலான வெப்பநிலை நிலவும் என்று எதிர்பார்க்கப்படுகிறது; சில பகுதிகளில் வெப்பநிலை 41 டிகிரி எட்டவும் வாய்ப்புள்ளது.

🔴🟠 Un épisode caniculaire étendu, durable et intense, est en cours. Nouvelle hausse des températures attendue à partir de dimanche. Les températures devraient souvent atteindre 38 à 41 °C, localement un peu plus tout au long de la semaine prochaine

👉 https://t.co/tmD15ys43p pic.twitter.com/REdfU2eriD

— Météo-France (@meteofrance) June 20, 2026

திங்கட்கிழமை வெப்பநிலை உச்சத்தை எட்டும் என கணிக்கப்பட்டுள்ளதுடன், அது வரலாறு காணாத அதிகபட்ச அளவை எட்டக்கூடும் எனவும் அதிகாரிகள் எச்சரித்துள்ளனர்.

இதனிடையே, அவசரகால மற்றும் சுகாதாரச் சேவைகளைப் பாதுகாக்கவும், மிகவும் பாதிக்கப்படக்கூடியவர்களுக்குச் சிகிச்சையளிப்பதில் மருத்துவப் பணியாளர்கள் கவனம் செலுத்த வழிவகுக்கவும், மது அருந்துதலில் கட்டுப்பாடுகளைக் கொண்டுவருமாறு அரசு வலியுறுத்தியுள்ளது.

ஜெலென்ஸ்கியிடமிருந்து உயரிய விருதைப் பறித்த ஐரோப்பிய நாடொன்று

வெப்பத்தைச் சமாளிக்க

பல நாட்களாக நீடிக்கும் வெப்ப அலை நாட்டின் இயல்பு வாழ்க்கையைப் பாதித்துள்ளது; இதனால் டசின் கணக்கான ரயில்கள் ரத்து செய்யப்பட்டுள்ளன, அத்துடன் வகுப்புகளும் தற்காலிகமாக நிறுத்தப்பட்டுள்ளன.

இந்த நிலையில், மக்கள் தொகையில் சுமார் முக்கால் பகுதியினரைப் பாதிக்கும் என்று மதிப்பிடப்பட்டுள்ள வெப்ப அலை எவ்வளவு காலம் நீடிக்கும் என்பது நிச்சயமற்றது என்று பிரான்ஸின் வானிலை ஆய்வு மையம் தெரிவித்துள்ளது.

பாரிஸ் மக்களும் சுற்றுலாப் பயணிகளும் வெப்பத்தைச் சமாளிக்க உதவும் வகையில், பிரெஞ்சுத் தலைநகரில் உள்ள பூங்காக்களையும் தோட்டங்களையும் இரவு முழுவதும் திறந்திருக்க அதிகாரிகள் நடவடிக்கை எடுத்து வருகின்றனர்.