லங்காசிறி FM
நேட்டோவிற்கு சட்டபூர்வ அதிகாரம் இல்லை: டிரம்பின் மிரட்டல்களுக்கு பிரான்ஸ் பதிலடி
மத்திய கிழக்கு பதட்டங்களுக்கு மத்தியில் நேட்டோ அமைப்பின் எல்லைகளை பிரான்ஸ் திட்டவட்டமாக வரையறுத்துள்ளது.
நேட்டோ எல்லைகள் இதுதான்
ஈரானுடனான அமெரிக்கா மற்றும் இஸ்ரேலிய படைகளின் போர் நடவடிக்கைகளுக்கு மத்தியில் நேட்டோ தொடர்பான பிரான்ஸின் புவிசார் அரசியல் நிலைப்பாட்டை அந்நாட்டின் ஆயுதப் படைகள் அமைச்சகத்தின் பிரதிநிதி அமைச்சர் ஆலிஸ் ரூஃபோ தெளிவுபடுத்தியுள்ளார்.
புதன்கிழமை பாரிஸில் நடைபெற்ற போர் மற்றும் அமைதி கருத்தரங்கில் பேசிய ஆலிஸ் ரூஃபோ, ஹார்முஸ் ஜலசந்தியில் நேட்டோ அமைப்பினர் இராணுவ நடவடிக்கைகளை மேற்கொள்ள எந்தவொரு சட்டப்பூர்வ அதிகாரமும் இல்லை என்று தெரிவித்துள்ளார்.
மேலும் நேட்டோ இராணுவ கூட்டமைப்பானது வட அமெரிக்கா மற்றும் ஐரோப்பிய நாடுகளின் பாதுகாப்பை உறுதி செய்வதற்காக உருவாக்கப்பட்ட தற்காப்பு அமைப்பு என்றும் நினைவுபடுத்தினார்.
அத்துடன் பாரசீக வளைகுடா பகுதியில் நேட்டோ இராணுவ அமைப்பை பயன்படுத்துவது என்பது சர்வதேச சட்டத்தை மதிக்காத செயலாக அமைந்துவிடும் என்றும் குறிப்பிட்டுள்ளார்.
அமெரிக்காவின் அழுத்தம்
ஈரானுக்கு எதிரான அமெரிக்க மற்றும் இஸ்ரேலிய படையினரின் இராணுவ நடவடிக்கை மற்றும் ஹார்முஸ் ஜலசந்தியின் முக்கிய கடல்வழித்தடத்தை பாதுகாக்க உதவ முன்வராததை அடுத்து பிரித்தானியா, ஜேர்மனி மற்றும் பிரான்ஸ் போன்ற நேட்டோ நாடுகளுக்கு டிரம்ப் கண்டனம் தெரிவித்தார்.
அத்துடன் நேட்டோ உறுப்பினர் அமைப்பில் இருந்து அமெரிக்கா வெளியேறக்கூடும் என்றும் டிரம்ப் பகிரங்க எச்சரிக்கை விடுத்துள்ளார்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
