லங்காசிறி FM
புடின் போர் நிறுத்தத்தை ஏற்காவிட்டால்.. - எச்சரிக்கை விடுத்துள்ள பிரான்ஸ்
கடந்த 2022ஆம் ஆண்டு முதல் ரஷ்யா மற்றும் உக்ரைன் இடையே போர் நடைபெற்று வருகிறது.
டிரம்ப்பின் அமைதி திட்டம்
இந்த போரை நிறுத்த 28 அம்சங்களை கொண்ட அமைதி திட்டம் ஒன்றை அமெரிக்க ஜனாதிபதி டிரம்ப் முன்வைத்தார்.
ஆனால் இந்த பரிந்துரைகள் ரஷ்யாவிற்கு சாதகமாகவும், உக்ரைனுக்கு பாதகமாகவும் உள்ளதாக உக்ரைன் ஜனாதிபதி ஜெலன்ஸ்கி குற்றஞ்சாட்டினர்.
இதனையடுத்து, நவம்பர் 23 ஆம் திகதியன்று ஜெனீவாவில் இரு நாட்டு பிரதிநிதிகளுடனும் அமெரிக்க அதிகாரிகள் பேச்சுவார்த்தை நடத்திய பின்னர், அதனடிப்படையில் அமைதி திட்டத்தில் திருத்தம் செய்யப்பட்டது.
இந்த திருத்தம் ரஷ்யாவுடனான போரை நிறுத்துவதற்கான மிக ஆழமான ஒப்பந்தம் என திருத்தத்திற்கு ஜெலன்ஸ்கி வரவேற்பு தெரிவித்தார்.
இந்நிலையில், புடின் இந்த ஒப்பந்தத்தை ஏற்றுகொள்ளாவிட்டால் பொருளாதார தடைகளை சந்திக்க நேரிடும் என பிரான்ஸ் எச்சரித்துள்ளது.
புதிய பொருளாதார தடை
இது குறித்து பேசிய பிரான்ஸ் வெளியுறவு அமைச்சர் ஜீன் நோயல் பரோட்(Jean Noel Barrot), "கிழக்கு உக்ரைனில் ரஷ்யாவின் முன்னேற்றம் பாரிய மனித இழப்பை ஏற்படுத்துகிறது. ஒவ்வொரு நாளும் 1,000 க்கும் மேற்பட்ட ரஷ்ய வீரர்கள் போர்முனையில் இறந்து கொண்டிருக்கிறார்கள்.
இந்த போர்க்கள தோல்விகளை மறைக்க ரஷ்யா உக்ரைனின் குடியிருப்பு பகுதிகள் மீது தாக்குதல் நடத்தி சர்வதேச விதிகளை மீறுகிறது.
புடின் போர் நிறுத்தத்தை ஏற்க வேண்டும் அல்லது ரஷ்யாவின் பொருளாதாரத்தை முடக்கும் புதிய தடைகளை எதிர்கொள்ள வேண்டும்" என தெரிவித்துள்ளார்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள் |
தொல்புரம், மலேசியா, Malaysia, கொட்டடி, Scarborough, Canada
12 Dec, 2024
Pussellawa, கொழும்பு, ஜேர்மனி, Germany, Scarborough, Canada
31 Oct, 2025
மயிலிட்டி தெற்கு, London, United Kingdom, Edinburgh, Scotland, United Kingdom
15 Nov, 2025
