பிரான்சில் இவர்களுக்கு தடுப்பூசி கட்டாயம்! மீறினால் சம்பளம் கிடையாது: மேக்ரான் அறிவிப்பை தொடர்ந்து வேலை நிறுத்தம்

France Vaccine Coronavirus

By Kaviarasan Aug 03, 2021 08:08 PM GMT

Kaviarasan

in பிரான்ஸ்

Report

பிரான்சில் மருத்துவ் துறையினர் கட்டாயமாக தடுப்பூசி போட்டுக் கொள்ள வேண்டும் என்று அந்நாட்டின் ஜனாதிபதி இம்மானுவேல் தெரிவித்த நிலையில், மருத்துவ துறை காலவரையற்ற வேலை நிறுத்தத்தை அறிவித்துள்ளது.

தென் ஆப்பிரிக்காவில் கண்டுபிடிக்கப்பட்ட பீட்டா வகை கொரோனா வைரஸ் பிரான்சில் தீவிரமாக பரவி வருகிறது. இதன் காரணமாக தடுப்பூசி போடுவதற்கு தகுதியுள்ள அனைவரும் போட்டுக் கொள்ளும் அறிவுறுத்தப்பட்டு வருகிறது.

அதில் ஒரு பகுதியாக, பிரான்ஸ் ஜனாதிபதி இமானுவேல் மேக்ரான், வரும் செப்டம்பர் 15-ஆம் திகதியில் இருந்து மருத்துவ துறையினருக்கு கட்டாய தடுப்பூசி போடப்படும். அப்படி அவர்கள் தடுப்பூசி போட தவறினால் அவர்களுக்கு ஊதியம் வழங்கப்படமாட்டாது.

அதுமட்டுமின்றி வேலை செய்யவும் அனுமதி மறுக்கப்படும் என்று அறிவித்தார். இதனால் இந்த நெருக்கடியை சமாளிக்க Marseille மாவட்டத்தைச் சேர்ந்த மருத்துவத்துறை காலவரையற்ற வேலை நிறுத்தத்தை அறிவித்துள்ளது.

Sud Santé மற்றும் CGT unions ஆகிய இரு தொழிற்சங்கங்களைச் சேர்ந்த 13.0000 ஊழியர்கள் வேலையை புறக்கணித்துள்ளனர். மேலும், நாளை மறுநாள் 5-ஆம் திகதி ஆகிய இரண்டு நாட்களில் ஆர்ப்பாட்டம் நடத்த திட்டமிட்டிருப்பதாக தகவல் வெளியாகியுள்ளது.