பிரான்சில் பொலிசார் வீசியக் கையெறி குண்டு... வெடித்துச் சிதறிய பள்ளிச் சிறுவனின் கை

Schoolboy's hand blown off in France protests: பிரான்சில் நடைபெற்ற போராட்டங்களின்போது பள்ளி மாணவர் ஒருவரின் கை வெடித்துச் சிதறியது.

பிரான்சில் பள்ளி மாணவப் போராட்டக்காரர்களுக்கும் காவல்துறையினருக்கும் இடையே ஏற்பட்ட மோதலின்போது, ​​பதின்ம வயதுச் சிறுவன் ஒருவனின் கை வெடித்துச் சிதறியுள்ளது.

மாணவர் போராட்டங்கள்

வடக்கு நகரமான லென்ஸில் (Lens) ஏற்பட்ட இந்தச் சம்பவத்திற்குப் பிறகு, அந்த 15 வயதுச் சிறுவனின் உயிருக்கு ஆபத்து இல்லை என்று கூறப்படுகிறது.

சம்பவம் நடந்த அடுத்த சில நிமிடங்களிலேயே குறித்த சிறுவனை மருத்துவமனையில் அனுமதித்ததாக கண்காணிப்பாளர் தெரிவித்துள்ளார்.

பாடசாலைக் கட்டிடங்களின் நிலை மற்றும் பணியாளர் எண்ணிக்கை தொடர்பான மாணவர் போராட்டங்கள் காரணமாக, பிரான்ஸ் முழுவதும் சுமார் 500 பள்ளிகள் முழுமையாகவோ அல்லது பகுதியளவிலோ மூடப்பட்டுள்ளன.

பாப் அல்-மண்டேப் நீரிணையிலிருந்து ஹவுதிகளை விரட்டியடித்த யேமன் அரசுப் படைகள்

இதனிடையே, அந்தச் சிறுவனுக்கு எவ்வாறு அந்தப் பயங்கரமான காயம் ஏற்பட்டது என்பது குறித்து முரண்பட்ட தகவல்களும் வெளியாகியுள்ளன.

காவல்துறையினரால் வீசப்பட்ட 'ஸ்டிங்-பால்' (sting-ball) ரகக் கையெறி குண்டு ஒன்றை அந்த மாணவர் கையில் எடுத்தபோது அது அவர் கையிலேயே வெடித்ததாக, பெயர் குறிப்பிட விரும்பாத காவலர் சங்க வட்டாரத் தகவல் ஒன்று தெரிவித்துள்ளது.

ஸ்டிங்-பால் கையெறி குண்டு என்பது ரப்பர் பூசப்பட்ட ஒரு கூட்டக் கட்டுப்பாட்டுக் கருவியாகும். அது வெடிக்கும்போது உரத்த சத்தத்தை எழுப்பி, கண்ணைப் பறிக்கும் ஒளிக்கீற்றை வெளியிடுகிறது.

ஆனால், அந்தச் சிறுவனுக்கு அருகில் நின்றுகொண்டிருந்த ஒரு பெண், அவன் அந்தக் கையெறி குண்டை எடுக்கவில்லை என்று கூறியுள்ளார்.

190 மாணவர்கள் காயம்

மாவட்ட ஆட்சியரின் தகவலின்படி, இந்தச் சம்பவம் அகஸ்ட் பெஹால் (Auguste Béhal) உயர்நிலைப் பள்ளிக்கு அருகே நடந்துள்ளது. ஆர்ப்பாட்டத்தில் ஈடுபட்டுள்ள மாணவர்கள் பொலிசார் மீது கற்கள், வாணவேடிக்கை மற்றும் மோர்டார்களை வீசியதாகவும் அவர் கூறியுள்ளார்.

சம்பவத்தை அடுத்து பாடசாலை நிர்வாகம் தெரிவிக்கையில், இன்று காலை நடைபெற்ற நிகழ்வுகளின் பின்னணியில் மற்றும் முழு பள்ளி சமூகத்தின் பாதுகாப்பை உறுதி செய்யும் பொருட்டு, தொலைதூரக் கல்வி முறைக்கு மாறுவதாக குறிப்பிட்டுள்ளனர்.

செப்டம்பர் 21 அன்று பாரிஸின் புறநகர்ப் பகுதியான கிரெட்டெய்லில் (Créteil) உள்ள ஒரு உயர்நிலைப் பள்ளியில் ஆசிரியர் காலிப்பணியிடங்கள் தொடர்பாக நடைபெற்ற போராட்டத்தைத் தொடர்ந்து, பிரான்ஸ் முழுவதும் போராட்டங்கள் பரவின.

போராட்டங்கள் தொடங்கியதிலிருந்து குறைந்தது 190 மாணவர்கள் காயமடைந்துள்ளதாகக் கல்வி அமைச்சர் எட்வார்ட் ஜெஃப்ரே தெரிவித்துள்ளார்.