பிரான்சில் வலுவாக தடம் பதித்துள்ள தமிழர்கள்

பிரான்சில் தமிழ் மக்களின் வரலாறு என்பது 19ஆம் நூற்றாண்டின் முற்பகுதியில் தொடங்கியது. முதன்முதலில் தமிழ் மக்கள் பிரான்சில் குடியேறியது, பெரும்பாலும் பாண்டிச்சேரி போன்ற பிரான்சின் ஆளுமைக்கு உட்பட்ட பகுதிகளில் இருந்தே புலம்பெயர்தல் இருந்தது.

பாண்டிச்சேரியைச் சார்ந்த

அப்போதைய பிரெஞ்சு கிழக்கு இந்தியக் கம்பெனி பிரான்சின் ஆதிக்கத்தில் இருந்த காரணத்தால், பாண்டிச்சேரி உள்ளிட்ட பகுதிகளில் உள்ள தமிழர்கள் பிரான்சில் வேலைக்காகவும், படிப்பதற்காகவும் அல்லது அரசாங்க சேவையில் வேலை செய்யவும் சென்றனர்.

மட்டுமின்றி, பாண்டிச்சேரியைச் சார்ந்த தமிழர்கள் பிரான்சுடன் தொடர்புடையவர்களாக இருந்ததன் காரணமாக, அவர்கள் பிரான்சுக்கு செல்லும் வாய்ப்புகளைப் பெற்றனர். இதற்குப் பிறகு, 20ஆம் நூற்றாண்டின் போது, சிறிய அளவில் புலம்பெயர்ந்த தமிழர்கள் தொழில், கல்வி, மற்றும் குடும்ப உறவுகள் காரணமாக பிரான்சில் குடியேற தொடங்கினர்.

1980களில் இலங்கையில் ஏற்பட்ட உள்நாட்டுப் போரின் காரணமாக, பல தமிழர்கள் பிரான்சிற்கு இடம்பெயர்ந்தனர். இன்றைய காலக்கட்டத்தில், பிரான்சில் பல்வேறு காரணங்களுக்காக குடியேறிய பெருமளவிலான தமிழர்கள் இருக்கின்றனர்.

தமிழ் மொழியும் கலாசாரமும் பிரான்சில் பரவலாகக் காணப்படுகிறது, குறிப்பாக பெரிய தமிழ் சமூகங்கள் பாரிஸ் மற்றும் அதன் சுற்றுவட்டாரப் பகுதிகளில் காணப்படுகின்றன. அவர்கள் தமிழ் மொழி, கலாசாரம், சடங்குகள் மற்றும் மரபுகளை பரமரித்து வருகின்றனர். 

வாழ்வியல் வலுவானது

பிரான்சில் தமிழ் சமூகத்தின் வாழ்வியல் வலுவானது. அவர்கள் மொழி, கலாச்சாரம், மற்றும் மரபுகளை பேணிச் செல்லும் விதத்தில் தமிழ் பள்ளிகள், தமிழ் கலாச்சார மன்றங்கள், மற்றும் ஆலயங்கள் உள்ளன.

மேலும், வருடாந்திர தமிழர் திருவிழாக்கள், தமிழ் புத்தாண்டு கொண்டாட்டங்கள், மற்றும் திருநாள்கள் போன்றவை பிரான்சில் நடந்து வருகின்றன. தமிழர்கள், பிரான்சின் அரசியல், கல்வி, வணிகம் போன்ற பல்வேறு துறைகளிலும் சிறப்பித்துள்ளனர்.

அவர்கள் பிரான்சின் சமூகத்தில் ஒரு முக்கியமான மற்றும் பிரதான சமூகமாக உருவெடுத்துள்ளனர். பல தமிழர்கள் தொழில்முறை துறைகளில், குறிப்பாக கல்வி துறையில், மற்றும் சமூக சேவையில் ஈடுபட்டு வருகின்றனர். 

அரசியல்

பிரான்சில் குடியேறியுள்ள தமிழர்கள் அங்குள்ள அரசியலில் மிகுந்த ஈடுபாட்டைக் காட்டுகின்றனர். இலங்கையில் தமிழர் உரிமை, மனித உரிமை போன்ற அடிப்படையிலான அரசியல் உரிமைகளைப் பெற்றுத்தரும் நோக்கத்தில் பல தமிழர் அமைப்புகள் பிரான்சில் செயல்பட்டு வருகின்றன.

தமிழ் ஈழத்தின் ஆதரவு, தமிழர் விடுதலை போன்ற அரசியல் நடவடிக்கைகள் பிரான்சில் தமிழ் சமூகத்தின் ஒரு பகுதியாக இருந்து வருகின்றன. தமிழ் மக்களில் சிலர் பிரான்சு அரசியலில் தங்கள் செல்வாக்கினை வளர்த்துக் கொண்டுள்ளனர்.

குறிப்பாக பிரான்சின் பல பகுதிகளில் உள்ள நகரசபை தேர்தல்களில் தமிழர்கள் போட்டியிடுகின்றனர். இதனால், பிரான்சில் தமிழ் சமூகத்தின் கலாச்சாரமும், அரசியலும் அவர்கள் அடையாளத்தைத் தக்கவைத்துக்கொள்ளவும், தங்களது உரிமைகளை நிலைநாட்டவும் பெரிதும் உதவுகிறது. 

மக்கள் தொகை

பிரான்சில் தமிழர்கள் சரியாக எத்தனை பேர் வசிக்கிறார்கள் என்பதற்கான உறுதியான தகவல் இல்லை என்றே கூறபப்டுகிறது. ஆனால் சுமார் 1.5 முதல் 2 லட்சம் தமிழர்கள் பிரான்சில் வாழ்ந்து வருகின்றனர் என்று மதிப்பிடப்படுகிறது.

இவர்கள் பெரும்பாலும் இலங்கை அல்லது இந்தியாவின் தமிழ்நாட்டில் இருந்து குடிபெயர்ந்தவர்களாகவோ இருக்கலாம். பிரான்சில் பாரிஸ், மார்செய்ல் (Marseille), லியோன் (Lyon), துலூஸ் (Toulouse) மற்றும் நீஸ் (Nice) ஆகிய நகரங்களில் தமிழ் மக்கள் அதிகமாக வசிக்கின்றனர்.