லங்காசிறி FM
கனடாவுக்குள் நுழைய புலம்பெயர்வோருக்கு இலவச டிக்கெட்கள்?: அதிர்ச்சியை ஏற்படுத்தியுள்ள ஒரு செய்தி
கனடாவுக்குள் நுழைவதற்கு வசதியாக இலவச பேருந்து டிக்கெட்களை அமெரிக்க நகரம் ஒன்று கொடுத்துவருவது குறித்த ஒரு செய்தி, கனடா புலம்பெயர்தல் அதிகாரிகளை சற்றே அதிர்ச்சியடையவைத்துள்ளது.
புலம்பெயர்வோருக்கு இலவச பேருந்து டிக்கெட்கள்
நியூயார் நகரம், அந்நகரத்திலுள்ள புலம்பெயர்ந்தோர் கனடாவுக்கு புலம்பெயர்வதற்கு வசதியாக, இலவச பேருந்து டிக்கெட்களை வழங்கிவருவதாக, The New York Post என்னும் ஊடகம் செய்தி வெளியிட்டுள்ளது.
நியூயார்க் மாகாணத்திலுள்ள Plattsburgh, கனடா நாட்டின் எல்லையிலிருந்து சுமார் 20 மைல் தொலைவில் தெற்கு திசையில் அமைந்துள்ளது. ஆக, நியூயார்க்கிலிருக்கும் புலம்பெயர்ந்தோருக்கு Plattsburgh நகருக்குச் செல்வதற்கு இலவச பேருந்து டிக்கெட்கள் வழங்கப்படுகின்றனவாம். அங்கிருந்து அவர்கள் டெக்சி மூலம் கனடா நாட்டிலுள்ள கியூபெக்குக்குள் நுழைகிறார்களாம்.
image - REUTERS
வியப்பில் ஆழ்ந்துள்ள கனேடிய அதிகாரிகள்
இந்த செய்தி கனேடிய புலம்பெயர்தல் அதிகாரிகளை வியப்பிலாழ்த்தியுள்ளது.
அதாவது, Roxham Road என்ற இடத்தின் வழியாக ஆயிரக்கணக்கானோர் அமெரிக்காவிலிருந்து கனடாவுக்குள் நுழைகிறார்கள்.
விடயம் என்னெவென்றால், கனடாவுக்கும் அமெரிக்காவுக்கும் இடையே 2002ஆம் ஆண்டு செய்யப்பட்ட ஒரு ஒப்பந்தம் உள்ளது. அந்த ஒப்பந்தத்தின்படி, அமெரிக்கா, அல்லது கனடா ஆகிய நாடுகளுள், எந்த நாட்டுக்குள் முதன்முதலாக புலம்பெயர்ந்தோர் நுழைகிறார்களோ, அந்த நாட்டில் அவர்கள் புகலிடம் கோரலாம், அதாவது, அதிகாரப்பூர்வ எல்லை கடக்கும் பகுதி வழியாக வருவோருக்குத்தான் இது பொருந்தும்.
ஆனால், Roxham Road அதிகாரப்பூர்வ எல்லை கடக்கும் பகுதி அல்ல. ஆகவே, அமெரிக்காவுக்குள் நுழைந்தவர்கள்கூட, Roxham Road வழியாக கனடாவுக்குள் நுழைந்து, தாங்கள் முதலில் கனடாவுக்குள்தான் வந்ததுபோல காட்டி, கனடாவில் புகலிடம் கோருகிறார்களாம்.
இப்படிப்பட்ட ஒரு சூழலில், நியூயார்க் நகரமும் இந்த ஒப்பந்தத்திலுள்ள ஓட்டையைப் பயன்படுத்தி, நியூயார்க்கிலிருந்து புலம்பெயர்ந்தோர் கனடாவுக்குள் நுழைவதற்கு வசதியாக இலவச பேருந்து டிக்கெட்கள் கொடுத்துவருவதால், கனேடிய புலம்பெயர்தல் அதிகாரிகள் அதிர்ச்சியடைந்துள்ளார்கள்.
சங்கானை, யாழ்ப்பாணம், புங்குடுதீவு 6ம் வட்டாரம், Scarborough, Canada
20 Nov, 2024
கல்வியங்காடு, Wembley, United Kingdom, King's Lynn, United Kingdom
22 Nov, 2024
புங்குடுதீவு 4ம் வட்டாரம், புங்குடுதீவு 8ம் வட்டாரம், Zürich, Switzerland
20 Nov, 2024
வேலணை மேற்கு 8ம் வட்டாரம், Jaffna, London, United Kingdom
23 Nov, 2024
கோண்டாவில் மேற்கு, மானிப்பாய், சவுதி அரேபியா, Saudi Arabia, Baden, Switzerland
26 Nov, 2021
