லங்காசிறி FM
கனடாவுக்கு இலவச விசா... புலம்பெயர்வோரைக் குறிவைத்து ஒரு மோசடி: ஒரு எச்சரிக்கை செய்தி...
போலி கனேடிய விசா திட்டம் குறித்த செய்திகள் பேஸ்புக் மற்றும் வாட்ஸ் ஆப்பில் பரவிவருகின்றன.
இலவச கனேடிய பயணம், இலவச தங்குமிடம், வேலை என பல விடயங்கள் கிடைக்கும் என இந்த செய்திகள் ஆசைகாட்டுகின்றன.
The Tech Transparency Project (TTP) என்னும் அமைப்பு, பேஸ்புக்கில் கணக்கு வைத்துள்ள, தங்களை புலம்பெயர்தல் சட்டத்தரணிகள் என்று சொல்லிக்கொள்ளும் சிலர், புலம்பெயரும் எண்ணத்துடனிருப்பவர்களைக் குறிவைத்து, அவர்களுக்கு வேலை மற்றும் தங்குமிடம் ஆகியவை இணையதளம் வாயிலாக கிடைக்கும் என்று கூறும் செய்திகளை வெளியிட்டு வருவது, தாங்கள் மேற்கொண்ட விசாரணை ஒன்றின் வாயிலாகத் தெரியவந்துள்ளதாக தெரிவிக்கிறது.
இந்த இணையதளங்கள், பயனர்கள் இந்த விசா திட்டத்திற்குள் நுழைவதற்கு முன், முதலில் தங்கள் நண்பர்களுக்கு வாட்ஸ் ஆப் வாயிலாக அழைப்பு விடுக்கவேண்டும் என கூறுகிறது. அவ்வகையில், இந்த போலிச் செய்திகளை அவர்கள் தங்களுக்குத் தெரியாமலே தங்கள் நண்பர்களுக்கும் பரப்ப அது வழிவகை செய்கிறது. ஆனால், அந்த இணையதளம், விசா குறித்தோ, கனேடிய புலம்பெயர்தல் குறித்தோ உண்மையான தகவல் எதையுமே கொடுப்பதில்லை.
பயனர்கள் கொடுக்கும் தங்கள் நண்பர்களின் தனிப்பட்ட தரவுகளை, அவர்கள் சந்தேகிக்காத வகையில் எடுத்துக்கொள்ளும் இந்த இணையதளம், அடையாள திருட்டுபோன்ற விடயங்களுக்கு அவற்றைப் பயன்படுத்திக்கொள்கிறதாம்.
கனடா அரசும் இந்த மோசடி குறித்து மக்களை எச்சரித்துள்ளது.
அந்த எச்சரிக்கையில், கனடா அரசின் 2022ஆம் ஆண்டுக்கான அரசுப் பணிக்கு ஆட்கள் எடுப்பது தொடர்பில் போலியான செய்திகள் வாட்ஸ் ஆப்பில் பரப்பப்படுவதாகவும், அப்படி ஒரு செய்தியை கனடா அரசு வெளியிடவில்லை என்றும், முன்பின் தெரியாத மூன்றாம் தரப்பினர் யாருக்கும் உங்கள் தனிப்பட்ட விவரங்களைத் தெரிவிக்கவேண்டாம் என்றும் கூறியுள்ளது.
இந்த மோசடி குறித்து மெட்டா எந்த நடவடிக்கையும் எடுக்கவில்லை என்று கூறியுள்ள The Tech Transparency Project (TTP) அமைப்பு, இத்தகைய போலிச் செய்திகளை அகற்றுமாறு அந்த சமூக ஊடக நிறுவனத்துக்கு அழைப்பு விடுத்துள்ளது.
தெல்லிப்பழை, கொல்லன்கலட்டி, Stryn, Norway, Tromso, Norway
10 Dec, 2020
அனலைதீவு 2ம் வட்டாரம், யாழ்ப்பாணம், Kamen, Germany, Stouffville, Canada
24 Nov, 2024
சங்கானை, யாழ்ப்பாணம், புங்குடுதீவு 6ம் வட்டாரம், Scarborough, Canada
20 Nov, 2024
புங்குடுதீவு 4ம் வட்டாரம், புங்குடுதீவு 8ம் வட்டாரம், Zürich, Switzerland
20 Nov, 2024
கல்வியங்காடு, Wembley, United Kingdom, King's Lynn, United Kingdom
22 Nov, 2024
வேலணை மேற்கு 8ம் வட்டாரம், Jaffna, London, United Kingdom
23 Nov, 2024
கோண்டாவில் மேற்கு, மானிப்பாய், சவுதி அரேபியா, Saudi Arabia, Baden, Switzerland
26 Nov, 2021
