லங்காசிறி FM
மாலியில் பிரான்ஸ் இராணுவ வீரர் மரணம்! பழுதுபார்க்கும் போது நேர்ந்த துயரம்
பிரெஞ்சு இராணுவ வீரர் ஒருவர் மாலியில் டிரக்கில் பழுதுபார்க்கும் போது ஏற்பட்ட விபத்தில் உயிரிழந்தார் என்று பிரான்ஸ் பாதுகாப்பு அமைச்சகம் புதன்கிழமை தெரிவித்துள்ளது.
விபத்தில் மரணமடைந்தவர் பிரெஞ்சு இராணுவ வீரர் Adrien Quelin (29) என அமைச்சகம் தெரிவித்துள்ளது.
சம்பவம் தொடர்பில் பிரான்ஸ் பாதுகாப்பு அமைச்சகம் வெளியிட்டுள்ள அறிக்கையில், அக்டோபர் 12 ம் திகதி, மாலி, Timbuktu-வில் உள்ள ரிலே பாலைவன முகாமில் (PfDR), இராணுவ வீரரும் மெக்னிக்குமாக Adrien Quelin ஒரு டிரக்கில் பழுதுபார்க்கும் நடவடிக்கையை மேற்கொண்டார்.
அவர் பழுத்துபார்த்துக்கொண்டிருந்த போது டிரக்கின் பாகம் ஒன்று கவிழ்ந்து Adrien Quelin மீது விழுந்தது, இதில் அவர் பலத்த காயமடைந்தார்.
உடனடியாக மருத்துவ சிகிச்சை அளிக்கப்பட்ட போதிலும், அவரைக் காப்பாற்ற முடியவில்லை என்று அமைச்சகம் அறிக்கையில் தெரிவித்துள்ளது.
விபத்தின் சூழ்நிலைகளை கண்டறிய விசாரணை நடந்து வருகிறது என்று அந்த அறிக்கையில் குறிப்பிடப்பட்டுள்ளது.
பிரெஞ்சு பாதுகாப்புத் தலைமைத் தளபதி ஜெனரல் Thierry Burkhard, Quelin குடும்பத்தினருக்கும் நண்பர்களுக்கும் தனது இரங்கலைத் தெரிவித்தார்.
1 ஆகஸ்ட் 2014 முதல் சாஹலில் உள்ள புர்கினா பாசோ, சாட், மாலி, மௌரிடேனியா மற்றும் நைஜர் ஆகிய பிராந்தியங்களில் பயங்கரவாதக் குழுக்களுக்கு எதிராக பிரான்ஸ் நடவடிக்கை மேற்கொண்டு வருகிறது குறிப்பிடத்தக்கது.
