லங்காசிறி FM
கிட்னி ஆரோக்கியத்தை மேம்படுத்த உதவும் பழங்கள்.., என்னென்ன தெரியுமா?
நமது உடலில் பல முக்கியமான உறுப்புகளில் கிட்னி அதாவது சிறுநீரகங்களும் ஒன்று.
சிறுநீரகங்கள் இரத்தத்திலிருந்து யூரியா போன்ற கழிவுகளை வடிகட்டும் வேலையை செய்கின்றன.
மேலும் செரிமான அமைப்பிலிருந்து வெளியேறும் கழிவுகளில் உள்ள அதிகப்படியான திரவங்களை வெளியேற்றுகின்றன.
சிறுநீரகம், சிறுநீரை உருவாக்குவதற்கும் உடலில் உள்ள இரத்தத்தை சுத்தப்படுத்துவதில் முக்கிய பங்கு வகிக்கிறது.
அந்தவகையில், சிறுநீரக ஆரோக்கியத்தை மேம்படுத்த உதவும் பழங்கள் குறித்து பார்க்கலாம்.
ப்ளூபெர்ரி
ப்ளூபெர்ரியில் அதிகம் உள்ள ஆன்டிஆக்ஸிடன்ட்கள் ஆந்தோசயனின்கள், சிறுநீரகங்களில் ஏற்படும் ஆக்ஸிஜனேற்ற அழுத்தம் மற்றும் அழற்சியைக் குறைக்க உதவக்கூடும். மேலும், இதில் பொட்டாசியம், சோடியம் மற்றும் பாஸ்பரஸ் குறைவாக உள்ளன.
கிரான்பெர்ரி
கிரான்பெர்ரி சிறுநீர்ப் பாதையின் ஆரோக்கியத்திற்கு உதவக்கூடிய பழமாகும். சிறுநீர்ப் பாதையில் தீங்கு விளைவிக்கும் பாக்டீரியாக்கள் ஒட்டுவதைத் தடுப்பதன் மூலம், சிறுநீரகங்களை பாதிக்கக்கூடிய சில தொற்றுகளின் அபாயத்தைக் குறைக்க உதவும்.
ஸ்ட்ராபெர்ரி
ஸ்ட்ராபெர்ரியில் அதிகம் உள்ள வைட்டமின் சி மற்றும் ஆன்டிஆக்ஸிடன்ட்கள் உடலில் ஏற்படும் ஆக்ஸிஜனேற்ற அழுத்தம் மற்றும் அழற்சியைக் குறைக்க உதவும். மேலும், இதில் சோடியம் மற்றும் பாஸ்பரஸ் குறைவாக உள்ளன.
ஆப்பிள்
ஆப்பிளில் நார்ச்சத்து, வைட்டமின் சி மற்றும் ஆன்டிஆக்ஸிடன்ட்கள் உள்ளன. அதேநேரத்தில், பொட்டாசியம், சோடியம் மற்றும் பாஸ்பரஸ் குறைவாக இருப்பதால், சிறுநீரக ஆரோக்கியத்தை கருத்தில் கொண்டு உணவில் சேர்க்கக்கூடிய பழமாக இது உள்ளது.
கருப்பு திராட்சை
கருப்பு திராட்சையில் உள்ள ஆன்டிஆக்ஸிடன்ட்கள் மற்றும் ரெஸ்வெராட்ரோல் போன்ற தாவரச் சேர்மங்கள் அழற்சியைக் குறைக்கவும், ரத்த ஓட்டத்தை மேம்படுத்தவும் உதவக்கூடும்.
சிட்ரஸ் பழங்கள்
எலுமிச்சை, ஆரஞ்சு போன்ற சிட்ரஸ் பழங்களில் உள்ள சிட்ரிக் அமிலம் சிறுநீரகக் கற்கள் உருவாகும் அபாயத்தைக் குறைக்க உதவக்கூடும். குறிப்பாக, சிட்ரேட் கால்சியம்-ஆக்சலேட் கற்கள் உருவாவதைத் தடுக்க உதவுகிறது. மேலும், இவற்றில் உள்ள வைட்டமின் சி மற்றும் ஃபிளாவனாய்ட்கள் உடலின் ஆக்ஸிஜனேற்ற அழுத்தத்தைக் குறைக்க உதவும்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
கோண்டாவில், புன்னாலைக்கட்டுவன், சவுதி அரேபியா, Saudi Arabia, ஜேர்மனி, Germany, Brampton, Canada
20 Jul, 2025
மலேசியா, Malaysia, மானிப்பாய், Duisburg, Germany, London, United Kingdom
10 Jul, 2026
யாழ் நெடுந்தீவு 12ம் வட்டாரம், Jaffna, நயினாதீவு, London, United Kingdom
02 Aug, 2026
