பட்டினியால் ஊறுகாயை சாப்பிட்டு உயிர் வாழ்ந்த ‘எதிர்நீச்சல்’ மாரிமுத்து : வெளியான தகவல்

பட்டினியால் ஊறுகாயை சாப்பிட்டு உயிர் வாழ்ந்த ‘எதிர்நீச்சல்’ மாரிமுத்துவை குறித்த தகவல் ரசிகர்களிடையே சோகத்தை ஏற்படுத்தியுள்ளது. 

நடிகர் மாரிமுத்து

பிரபல தனியார் தொலைக்காட்சி சேனலில் தினமும் ஒளிபரப்பப்பட்டு வரும் சீரியல் தான் ‘எதிர் நீச்சல்’ தொடர். இத்தொடருக்கு மக்கள் மத்தியில் நல்ல வரவேற்பை பெற்றுள்ளது. டி.ஆர்.பி.யிலும் முன்னணியில் உள்ளது. இத்தொடரில் முக்கியமான கதாபாத்திரத்தில் நடிகர் மாரிமுத்து நடித்து வருகிறார். இவர் நடிக்கும் படங்களில் ‘இந்தாம்மா ஏய்’ என்று கத்தி வசனம் பேசுவார். அதுவே அவருக்கு அடையாளமாகிவிட்டது.

சமீப காலமாக சமூகவலைத்தளங்களில் நடிகர் மாரிமுத்து பற்றி தகவல் வைரலாகி வருகிறது.

ஊறுகாயை சாப்பிட்ட மாரிமுத்து

இவர் தேனி மாவட்டத்தை சேர்ந்தவர். தான் பெரிய இயக்குநராக வேண்டும் என்று கனவோடு சென்னைக்கு வந்தார். அப்போது, நண்பர்கள் அறையில் தங்கினார். வாய்ப்பை தேடியபோது, வறுமை இவரை வாட்டியது. சாப்பாடு கூட வழியில்லாமல் இருக்குபோது, நண்பர்கள்தான் உறுதுணையாக இருந்து உதவி செய்துள்ளனர். ஒரு சமயம் இவர் ஊருக்கு செல்ல வேண்டி இருந்தது.

கையில் பணம் இல்லாததால் சாப்பாடு வாங்க முடியவில்லை. அதனால், வீட்டில் இருந்த ஊறுகாயை எடுத்து 3 நாட்கள் சாப்பிட்டு தண்ணீர் குடித்து நாட்களை ஓட்டியிருக்கிறார். இதனால், இவருக்கு உடல் நிலை சரியில்லாமல் பாதிக்கப்பட்டு சிகிச்சை மேற்கொண்டுள்ளார்.

பல கஷ்டங்களைத் தாண்டி ‘அரண்மனை கிளி’ படத்தில் நடிகர் ராஜ்கிரணிடம் உதவியாளராக பணியாற்றினார். அதன் பிறகு, ‘சீமான்’, எஸ்.ஜே.சூர்யா, மணிரத்னம்,வசந்த் உட்பட படங்கயை இயக்கிய இயக்குநகர்களுடன் உதவி இயக்குனராக வேலைபார்த்து வந்துள்ளார்.

இதனையடுத்து, 2008ம் ஆண்டு ‘கண்ணும் கண்ணும்’, ‘புலிவால்’ என்ற படத்தை இயக்கினார். மேலும், யுத்தம் செய், நிமிர்ந்து நில் உட்பட பல படங்களில் நடித்தார். தற்போது, சீரியர்களில் நடித்து தன் வாழ்க்கை தரத்தை உயர்த்தியுள்ளார். 

தற்போது இது தொடர்பான தகவல்கள் சமூகவலைத்தளங்களில் வைரலாகி ரசிகர்களிடையே பெரும் சோகத்தை ஏற்படுத்தியுள்ளது.