லங்காசிறி FM
T20 உலக கிண்ணம் - கிரிக்கெட்டில் யாரும் செய்யாத சாதனையை படைத்த கம்பீர்
Karthikraja
in கிரிக்கெட்
2026 T20 உலக கிண்ணத்தை இந்திய அணி வென்ற நிலையில், இந்திய அணியின் பயிற்சியாளர் கவுதம் கம்பீர் கிரிக்கெட்டில் யாரும் செய்யாத சாதனையை படைத்துள்ளார்.
T20 உலக கிண்ணம் வென்ற இந்தியா
2026 T20 உலக கிண்ணத்தின் இறுதிப்போட்டியில், நியூசிலாந்து அணியை 96 ஓட்டங்கள் வித்தியாசத்தில் வீழ்த்தி இந்திய அணி கிண்ணத்தை வென்றது.
இதன் மூலம், தொடர்ச்சியாக 2 T20 உலக கிண்ணத்தை வென்ற அணி, 3 முறை T20 உலக கிண்ணம் வென்ற அணி, சொந்த மண்ணில் கிண்ணத்தை வென்ற அணி உள்ளிட்ட சாதனைகளை இந்திய அணி படைத்தது.
இந்த தொடரில் 321 ஓட்டங்கள் எடுத்த சஞ்சு சாம்சன், T20 உலக கிண்ணத்தில் அதிக ஓட்டங்கள் எடுத்திருந்த விராட் கோலியின் சாதனையை முறியடித்தார்.
கம்பீர் படைத்த சாதனை
இதே போல், இந்திய பயிற்சியாளருமான கவுதம் கம்பீர் கிரிக்கெட் வரலாற்றில் எந்த அணியும் செய்யாத சாதனையை படைத்துள்ளார்.
ஒரு கிரிக்கெட் வீரராகவும், அணியின் பயிற்சியாளராகவும் உலக கிண்ணத்தை வென்ற ஒரே நபர் என்ற பெருமையை பெற்றுள்ளார்.
2007 T20 உலக கிண்ணத்தை இந்திய அணி வென்ற போது, கம்பீர் இந்திய அணிக்காக விளையாடினார்.
அந்த தொடரில், கம்பீர் 6 இன்னிங்ஸில் விளையாடி 227 ஓட்டங்கள் எடுத்து இந்திய அணிக்காக அதிக ஓட்டங்கள் எடுத்த வீரர் என்ற பெருமையை பெற்றார்.
பாகிஸ்தானுக்கு எதிரான இறுதிப்போட்டியில், கம்பீர் 54 பந்துகளில் 75 ஓட்டங்கள் எடுத்து அணியின் வெற்றிக்கு முக்கிய பங்கு வகித்தார்.
இது கம்பீர் பயிற்சியாளராக பொறுப்பேற்ற பின்னர் இந்திய அணி வென்ற 2வது ஐசிசி கிண்ணம் ஆகும். 2025 ஆம் ஆண்டில் இந்திய அணி சாம்பியன்ஸ் கிண்ணத்தை வென்றது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
புங்குடுதீவு 6ம் வட்டாரம், புங்குடுதீவு 3ம் வட்டாரம், Southgate, United Kingdom
08 Mar, 2016
நெடுந்தீவு மேற்கு 4ம் வட்டாரம், நெடுந்தீவு, பிரான்ஸ், France, London, United Kingdom, நல்லூர்
09 Feb, 2026
Ittavil, எழுதுமட்டுவாள், திருகோணமலை, London, United Kingdom
07 Mar, 2023
புங்குடுதீவு 11ம் வட்டாரம், புங்குடுதீவு 3ம் வட்டாரம், London, United Kingdom
08 Mar, 2021
