சிலிண்டரின் மேல் எழுதப்பட்டிருக்கும் இந்த எண்களின் அர்த்தம் என்ன தெரியுமா?

பொதுவாக, எல்பிஜி சிலிண்டர் என்பது வீடுகளில் சமையலுக்காகப் பயன்படுத்தப்படுகிறது.

இந்தியன் ஆயில் படி, எல்பிஜி சிலிண்டர்கள் வலுவான எஃகால் ஆனவை. அவை BSI 3196 தரநிலைகளின்படி தயாரிக்கப்படுகின்றன. 

அதன்படி, சிலிண்டரின் மேற்புறத்தில், அதாவது கைப்பிடியின் கீழ் தோன்றும் இந்த குறியீடு சோதனை தேதி (test date) என்று அழைக்கப்படுகிறது.  

ஒவ்வொரு 5 வருடங்களுக்கும் சிலிண்டரை சோதனைக்கு அனுப்ப வேண்டும். இது Statutory Testing & Painting (ST&P) என்று அழைக்கப்படுகிறது.

இதற்கான சோதனை திகதியில் ஒரு எழுத்து, ஒரு வருட எண் இருக்கும். உதாரணமாக, A25, B26, C27 இருக்கும்.  

இதில், A என்பது ஜனவரி- மார்ச், B என்பது ஏப்ரல்- ஜூன், C என்பது ஜூலை- செப்டம்பர், D என்பது அக்டோபர்- டிசம்பர் மாதங்களுக்கு இடைப்பட்ட காலத்தையும் குறிக்கிறது.

ஹொட்டல்களில் வெள்ளை நிற போர்வைகள் பயன்படுத்தப்படுவது ஏன் தெரியுமா?

உதாரணமாக, இது C27 என்றால், சிலிண்டரை சோதிக்க வேண்டிய நேரம், ஜூலை மற்றும் செப்டம்பர் 2027க்கு இடைப்பட்ட காலம் ஆகும்.

இது சோதனை திகதியை அறிய நிறுவனங்கள் பயன்படுத்தும் ஒரு குறியீடு மட்டுமே.

இந்த சோதனை திகதிக்குப் பிறகு, அது ஆலைக்குச் செல்லும்போது, ​​சிலிண்டர் பிரிக்கப்பட்டு சோதிக்கப்படுகிறது.

சோதனையில் தோல்வியடைந்த சிலிண்டர் மாற்றப்படும். மேலும், சோதனையில் தேர்ச்சி பெற்றால், அது மீண்டும் வண்ணம் தீட்டப்பட்டு புதிய சோதனை திகதியுடன் திருப்பி அனுப்பப்படும்.

இந்தியன் ஆயில் நிறுவனத்தின் கூற்றுப்படி, சந்தைக்கு அனுப்பப்படும் ஒவ்வொரு சிலிண்டரும் சோதனை திகதிக்குள் இருப்பது உறுதி செய்யப்படுகிறது.

ஆகையால், புதிய சிலிண்டர் வரும்போது, ​​சோதனை திகதியைச் சரிபார்ப்பது என்பது அவசியம்.