லண்டன் காட்விக் விமான நிலையத்தில்... உடல் உறைந்து சடலமாக கண்டெடுக்கப்பட்ட நபர்

Stowaway was found frozen to death: விமானத்தின் சக்கரப் பகுதிக்குள் அடையாளம் தெரியாத ஒரு நபர் உடல் உறைந்து இறந்து கிடந்தார்.

காட்விக் விமான நிலையத்தில், விமானத்தின் சக்கரப் பகுதிக்குள் அடையாளம் தெரியாத ஒருவர் பனியில் உறைந்து இறந்த நிலையில் கண்டெடுக்கப்பட்டார்.

மொராக்கோவிலிருந்து வந்த ஏர் அரேபியா விமானத்தின் 'லேண்டிங் கியர்' பகுதியில், அடையாளம் தெரியாத நபர் ஒருவர் மறைந்திருந்த நிலையில் ஜூன் மாதத்தில் கண்டெடுக்கப்பட்டார்.

பிரேதப் பரிசோதனையில், மாரடைப்பு, அதனைத் தொடர்ந்து ஏற்பட்ட ஆக்சிஜன் பற்றாக்குறை மற்றும் உடல் வெப்பநிலை குறைவு ஆகியவையே மரணத்திற்குக் காரணம் எனக் கண்டறியப்பட்டது.

வெஸ்ட் சசெக்ஸ், பிரைட்டன் மற்றும் ஹோவ் பகுதிக்கான மரண விசாரணை அதிகாரி ஜோசப் டர்னர், சக்கர அறையின் உட்புறச் சூழல் மிகக் கடுமையான குளிருடன் இருந்திருக்கும் என்று குறிப்பிட்டார்.

ட்ரம்பின் வர்த்தகப் போர்... திருப்பியடித்த கார்னி: 700 அமெரிக்கப் பொருட்கள் மீது வரி

இந்த மரணம் இயற்கைக்கு மாறானது என்று நம்புவதற்கான காரணம் இருந்ததன் அடிப்படையில் விசாரணையை முறைப்படி தொடங்கி வைத்த அவர், அங்கு ஆக்சிஜன் பற்றாக்குறை இருந்திருக்கக்கூடும் என்றும் குறிப்பிட்டார்.

சக்கரப் பகுதியிலிருந்து வெளியே தொங்கிக்கொண்டிருந்த பேக்கிங் பட்டையை (packing strap) கவனித்த தரைப்பகுதிப் பொறியாளர் ஒருவர் அந்த நபரைக் கண்டறிந்தார்.

குறிப்பிட்ட அந்த ஏர் அரேபியா விமானம் டான்ஜியர்ஸிலிருந்து வந்திருந்தது. சம்பவம் நடந்தபோது, ​​லண்டன் கேட்விக் விமான நிலையத்தின் செய்தித் தொடர்பாளர் ஒருவர் கூறுகையில்,

செவ்வாய்க்கிழமை, ஜூன் 16, 2026 அன்று காலை 11.30 மணிக்கு மேல், ஏர் அரேபியா விமானம் வந்திறங்கியபோது ஒரு சம்பவம் கண்டறியப்பட்டதையடுத்து, லண்டன் கேட்விக் விமான நிலையத்தின் அவசரக்காலப் பிரிவினர் அந்த விமானத்திற்குச் சென்று நடவடிக்கை மேற்கொண்டனர்.

மேலும், சசெக்ஸ் காவல்துறை உறுதிப்படுத்தியபடி, ஒரு சடலம் கண்டெடுக்கப்பட்டது. அதன்பின்னர், எங்கள் குழுக்கள் சசெக்ஸ் காவல்துறைக்கும் மரண விசாரணை அதிகாரிக்கும் உதவியதாக செய்தித் தொடர்பாளர் தெரிவித்துள்ளார். விசாரணை 2027-ஆம் ஆண்டு பிப்ரவரி 24-ஆம் திகதி வரை ஒத்திவைக்கப்பட்டுள்ளது.