ஜெம் வீரமணி வழக்கு; கைதை தவிர்க்க ரூ.70 கோடி செட்டில்மென்ட்?

gem veeramani pays rs 70 crores for not add his name in fir: ஜெம் வீரமணி வழக்கில், ரூ.70 கோடி வரை காவல்துறை மற்றும் அரசியல் பிரமுகர்களுக்கு செட்டில்மென்ட் செய்யப்பட்டுள்ளதாக கூறப்படுகிறது.

ஜெம் வீரமணி வழக்கு

பிரபல கிரானைட் தொழில் அதிபரும், ஜெம் குழுமத்தின் தலைவருமான 84 வயதான வீரமணி, சிறுமிகளை துஸ்பிரயோகம் செய்துள்ளதாக போக்சோ சட்டத்தின் கீழ் கடந்த மாதம் கைது செய்யப்பட்டு சிறையில் அடைக்கப்பட்டுள்ளார். 

அறக்கட்டளை, ஆசிரமங்கள் தொடங்கி ஏழை மாணவிகளுக்கு படிக்க நிதி உதவி அளித்து அதன் மூலம் சிறுமிகளை துஸ்பிரயோகத்திற்கு பயன்படுத்தியுள்ளார்.

இதற்காக தேனாம்பேட்டையில் ரூ.2 லட்சம் மதிப்பில் ஒரு வீட்டை வாடகைக்கு எடுத்து, அதன் நிர்வாகத்தை சாந்தி மற்றும் அவரது கணவர் மகேந்திர சிம்கன் ஆகியோரிடம் ஒப்படைத்துள்ளார்.

இவரிடம் நடத்தப்பட்ட விசாரணையில், குறைந்தது 9 சிறுமிகளை அவர் துஸ்பிரயோகம் செய்துள்ளதாகவும், முக்கிய பிரமுகர்கள் பலருக்கும் சிறுமிகளை அனுப்பி வைத்துள்ளதாக கூறப்படுகிறது. 

CM 2031 பதிவெண் கொண்ட காரில் சென்ற திருமாவளவன் - போலியான பதிவெண்?

இந்த வழக்கில் தொடர்புடைய ஒருவரும் தப்பி விடக்கூடாது என முதல்வர் விஜய், சென்னை காவல் ஆணையர் அமல்ராஜுக்கு உத்தரவிட்டுள்ளதாக தகவல் வெளியாகியுள்ளது.

இந்த வழக்கு விசாரணை தற்போது தீவிரமடைந்துள்ள நிலையில், முந்தைய ஆட்சி காலத்தில் முதல் தகவல் அறிக்கையில் தனது பெயரை சேர்க்காமல் இருக்க காவல் துறை அதிகாரிகள் முதல் முக்கிய அரசியல் பிரமுகர்கள் வரை ரூ 70 கோடிக்கு ஜெம் கிரானைட் வீரமணி செட்டில்மென்ட் செய்ததாக தகவல் கிடைத்துள்ளது.

இதில், காவல்துறை அதிகாரிகளுக்கு மட்டும் ரூ.10 கோடி வரை கொடுக்கப்பட்டுள்ளதாக கூறப்படுகிறது.

ஈசிஆர் மற்றும் உதகையில் உள்ள நிலத்தை வீரமணி ரூ.130 கோடி மதிப்பிலான நிலத்தை ரூ.70 கோடிக்கு விற்று செட்டில்மென்ட் செய்துள்ளதாக கூறப்படுகிறது.

வீரமணியிடமிருந்தது யாருக்கு, எவ்வளவு பணம் கொடுக்கப்பட்டுள்ளது என்பதை விசாரிக்க, சென்னை தெற்கு கூடுதல் ஆணையர் நரேந்திர நாயர் தலைமையில் குழு அமைக்கப்பட்டுள்ளது.

சென்னையைச் சேர்ந்த பிரபல ரயில்வே தொழிற்சங்க நிர்வாகி ஒருவரின் மகன் மூலமாக பலருக்கு செட்டில்மென்ட் செய்யப்பட்டதாகவும் தகவல் வெளியாகியுள்ளது.