ஜேர்மனியைக் குறிவைக்கும் Gen Z போராட்டங்கள்... ஹாலோவீன் பேரணிகளில் திரளவிருக்கும் இளைஞர்கள்

Over 160,000 expected at Halloween rallies: ஹாலோவீன் பேரணிகளில் 160,000-க்கும் அதிகமானோர் கலந்துகொள்வார்கள் என்று எதிர்பார்க்கப்படுகிறது.

சனிக்கிழமையன்று ஜேர்மனி முழுவதும் 160,000-க்கும் மேற்பட்ட இளைஞர்கள் ஆர்ப்பாட்டங்களில் கலந்துகொள்வார்கள் என எதிர்பார்க்கப்படுவதாக ஏற்பாட்டாளர்கள் கூறுகின்றனர்.

Gen Z தலைமுறையினர்

ஐரோப்பாவின் பிற பகுதிகளில் நடைபெறும் போராட்டங்களால் ஈர்க்கப்பட்ட இளைஞர்கள் தலைமையிலான இயக்கம், சிறந்த கல்வி மற்றும் குறைந்த வாழ்க்கைச் செலவுகளைக் கோரி வீதிகளில் இறங்க உள்ளது.

இந்த ஆண்டு ஐரோப்பா முழுவதும் Gen Z தலைமுறையினர் தலைமையிலான போராட்ட அலைகளைத் தொடர்ந்து ஜேர்மனியில் இந்தப் போராட்டங்கள் நடைபெறுகின்றன.

செர்பியாவில், மாணவர்களின் தலைமையிலான செயல்பாடுகள் அந்நாட்டின் நீண்டகாலத் தலைவரை தேர்தல் முறையில் பதவியிலிருந்து அகற்ற உதவின.

அவர்கள் வாக்குகளுக்கு மதிப்பில்லை... அரபு கட்சிகளின் ஆதரவை நிராகரிக்கும் யூத இஸ்ரேலிய அணி

அதேவேளையில், பிரான்சில் நடந்த போராட்டங்கள் கலவரமாகவும் கொள்ளையடிக்கும் வாய்ப்பாகவும் மாறியுள்ளன. இந்த நிலையில், Gen Z பொறுப்பேற்கிறது (Gen Z regelt) என்ற பிரச்சாரக் குழுவால் ஏற்பாடு செய்யப்பட்டுள்ள ஜேர்மானியப் போராட்டங்கள், பெர்லின், ஃபிராங்பர்ட் மற்றும் மியூனிக் உட்பட 34 நகரங்களில் திட்டமிடப்பட்டுள்ளன.

கட்டாய இராணுவ சேவையை எதிர்ப்பதாகவும், அதிகரித்து வரும் செலவுகளால் பல இளம் ஜேர்மானியர்கள் சிரமப்படுவதால் கல்வியில் அதிக முதலீடு செய்யப்பட வேண்டும் என்றும் அந்தக் குழு வாதிடுகிறது.

இந்த நிலையில், ஹாலோவீன் கொண்டாட்டங்களுடன் ஒத்துப்போகும் சனிக்கிழமை ஆர்ப்பாட்டங்கள் பெரும்பாலும் அமைதியான முறையில் நடைபெறும் என எதிர்பார்ப்பதாக ஜேர்மானிய அதிகாரிகள் கூறுகின்றனர், ஆனால் இந்த இயக்கத்தைத் தீவிரவாதக் குழுக்கள் தங்களுக்குச் சாதகமாகப் பயன்படுத்திக்கொள்ள முயற்சிக்க வாய்ப்புள்ளதாகவும் அவர்கள் எச்சரித்துள்ளனர்.

பொருளாதார வளர்ச்சி

இதனிடையே, ஜேர்மனியின் தீவிர இடதுசாரிக் குழுக்களின் சில பிரிவுகளும், வெளிநாட்டுத் தீவிரவாத இயக்கங்களுடன் தொடர்புடைய சில குழுக்களும் ஆதரவைத் திரட்டும் முயற்சிகளில் இணைந்துள்ளதாக ஃபெடரல் உள்விவகார அமைச்சகம் தெரிவித்துள்ளது.

இந்த நிலையில், பாரிஸ் நகரம் போன்ற ஒரு சூழல் உருவாகக் கூடாது என்ற நோக்கில், பெர்லினில் உள்ள பல ஆடம்பரப் பொருட்கள் விற்பனையகங்கள் எச்சரிக்கை நடவடிக்கைகளை முன்னெடுத்துள்ளன.

பேபி பூமர் தலைமுறையினர் ஓய்வு பெறுவதாலும், உழைக்கும் வயதுடைய மக்கள் தொகை சுருங்குவதாலும், ஓய்வூதியங்கள் மற்றும் பொதுச் சேவைகள் மீதான அழுத்தம் அதிகரித்து வரும் நிலையில், ஜேர்மனி பொருளாதார வளர்ச்சியை மீட்டெடுக்கப் போராடி வருகிறது.

இந்த நிலையிலேயே தற்போது இந்தப் போராட்டங்கள் முன்னெடுக்கப்படுகின்றன. ஆனால், இதில் பல்வேறு அரசியல் மற்றும் குடிமைச் சமூகக் குழுக்கள் ஈடுபட்டுள்ளதால், இந்தப் பிரச்சாரத்தை யார் முன்னெடுத்துச் செல்கிறார்கள் என்றும், இது உண்மையாகவே இளைஞர்களால் வழிநடத்தப்படுகிறதா என்றும் கேள்விகள் எழுந்துள்ளன.