ஜேர்மன் விமான நிலையம் ஒன்றில் பரபரப்பை உருவாக்கிய இரண்டு சம்பவங்கள்

German airport briefly closed after in-flight emergency: எச்சரிக்கை செய்தி ஒன்று கிடைத்ததைத் தொடர்ந்து ஜேர்மன் விமான நிலையம் ஒன்றின் சேவைகள் சிறிது நேரம் பாதிக்கப்பட்டுள்ளன.

நேற்று, ஜேர்மன் விமான நிலையம் ஒன்றில் நிகழ்ந்த இரண்டு சம்பவங்கள் பரபரப்பை உருவாக்கின.

பரபரப்பை உருவாக்கிய இரண்டு சம்பவங்கள்

கிரீஸ் நாட்டிலுள்ள Corfu என்னும் தீவிலிருந்து ஜேர்மனியிலுள்ள Nuremberg விமான நிலையம் நோக்கி ஒரு விமானம் வந்துகொண்டிருந்திருக்கிறது. 

அப்போது, திடீரென அந்த விமானத்திலிருந்து அவசர சமிக்ஞை ஒன்று அனுப்பப்படவே, போர் விமானங்கள் இரண்டு உடனடியாக புறப்பட்டுச் சென்று, அந்த விமானத்தை பாதுகாப்பாக அழைத்துவந்துள்ளன.

அதிகாரிகள் விமானத்தில் ஏறி சோதனையிட்டதைத் தொடர்ந்து, அபாயம் எதுவும் இல்லை என்பது உறுதி செய்யப்பட்டுள்ளது. அது எவ்வித அபாயம் என்பது குறித்த தகவல் வெளியாகவில்லை. 

ஜேர்மனியிலிருந்து டெல்லி வந்த விமானத்திற்கு கடத்தல் எச்சரிக்கை; ஜெய்ப்பூரில் அவசர தரையிறக்கம்

இதற்கிடையில், மூன்று வெவ்வேறு விமானங்களின் விமானிகள் தாங்கள் ட்ரோன் போல் தோன்றிய ஒரு பொருளைக் கண்டதாகக் கூறியுள்ளார்கள்.

அதைத் தொடர்ந்து, விமான நிலைய அதிகாரிகள், எல்லைப் பாதுகாப்பு அதிகாரிகள் முதலானோர், ஹெலிகொப்டர் உதவியுடன் மேற்கொண்ட சோதனையில் ட்ரோன் எதுவும் கண்டுபிடிக்கப்படவில்லை.

இந்த சம்பவத்தால் ஆறு விமானங்கள் தாமதமாக, சில விமானங்கள் வெவ்வேறு விமான நிலையங்களுக்குத் திருப்பிவிடப்பட்டுள்ளன.

இந்த இரண்டு சம்பவங்களுக்கும் தொடர்பு உள்ளதா என்பது தெரியவில்லை.

இந்நிலையில், அபாயம் எதுவும் இல்லை என்பது உறுதி செய்யப்பட்டபின் விமான சேவை மீண்டும் துவங்கியுள்ளது.