ஜேர்மன் குடியுரிமைத் தேர்வு: சில பயனுள்ள தகவல்கள்...
*ஜேர்மன் குடியுரிமை பெற விரும்புவோர் அதற்காக குடியுரிமைத் தெர்வு ஒன்றை எழுதவேண்டும்.
*தேர்வு multiple choice கேள்விகள் முறையில் அமைந்திருக்கும்.
உலகிலுள்ள சக்திவாய்ந்த பாஸ்போர்ட்களில் ஜேர்மன் பாஸ்போர்ட்டும் ஒன்று. ஆனால், அதைப் பெறுவது ஒன்றும் அவ்வளவு எளிதல்ல!
ஜேர்மன் குடியுரிமை பெற விரும்புவோர், கண்டிப்பான மொழித் தேவைகள் மற்றும் குடியிருப்பு விதிமுறைகளுக்கு உட்படுவதுடன், குடியுரிமைத் தேர்வு (Einbürgerungstest) என்னும் ஒரு தேர்வையும் எழுதவேண்டியிருக்கும்.
புலம்பெயர்ந்தோர் ஜேர்மனியின் அரசியல் சாசனத்தில் கொடுக்கப்பட்டுள்ள உரிமைகள் போன்ற அரசியல் அமைப்பு குறித்து புரிந்துகொள்வதுடன், ஜேர்மனியின் அன்றாட வாழ்வையும் கலாச்சாரத்தையும் எதிர்கொள்ளத் தகுதியுடையவர்களாக இருக்கவேண்டும் என்பதை உறுதி செய்யும் வகையில் அந்த குடியுரிமைத் தேர்வு வடிவமைக்கப்பட்டிருக்கும்..
Photo: picture alliance/dpa | Lino Mirgeler
மேலும், ஜேர்மன் வரலாற்றில் நிகழ்ந்த இன்றியமையாத நிகழ்ச்சிகளான இரண்டாம் உலகப்போர், ஜேர்மன் குடியரசு போன்ற விடயங்கள் குறித்தும், புவியியல் மற்றும் ஐரோப்பிய ஒன்றியம் குறித்தும் அந்தத் தேர்வில் கேள்விகள் கேட்கப்படும்.
ஜேர்மன் மொழியில் வடிவமைக்கப்பட்டுள்ள அந்தத் தேர்வில் 33 கேள்விகள் கேட்கப்பட்டிருக்கும். 30 கேள்விகள் ஜேர்மனி குறித்த பொதுவான கேள்விகளாகவும், மூன்று கேள்விகள் நீங்கள் வாழும் மாகாணம் குறித்த கேள்விகளாகவும் இருக்கும்.
இந்தத் குடியுரிமைத் தேர்வைப் பொருத்தவரை, அந்தக் கேள்விகளைப் படித்துப் புரிந்துகொள்ளும் அளவுக்கு உங்களுக்கு ஜேர்மன் மொழியைப் படிக்கத் தெரிந்திருக்கவேண்டும். அதே நேரத்தில், கேள்விகள் multiple choice வகை கேள்விகள் என்பதால், ஜேர்மன் மொழியில் எழுதும் திறன் பெரிய அளவில் தேவையில்லை எனலாம்.
தேர்வை முடிக்க ஒரு மணி நேரம் கொடுக்கப்படும். (பெரும்பாலானோர் அதற்கு முன்பாகவே தேர்வை முடித்துவிடுவார்கள் என்பது வேறு விடயம்). தேர்வில் வெற்றி பெற நீங்கள் 50 சதவிகிதம் மதிப்பெண்கள் பெறவேண்டும். அதாவது, 33க்கு 17 மதிப்பெண்கள் எடுத்தால் போதும் என்பது குறிப்பிடத்தக்கது.