லங்காசிறி FM
30 ஆண்டுகளுக்கு முன் செய்த குற்றம்... ஜேர்மானியருக்கு ஆயுள் தண்டனை
Man gets life in prison for the murder of a US young woman over 30 years ago: 30 ஆண்டுகளுக்கு முன் அமெரிக்க இளம்பெண்ணை சீரழித்துக் கொலை செய்த நபருக்கு ஆயுள் தண்டனை விதிக்கப்பட்டுள்ளது.
1994ஆம் ஆண்டு, ஜேர்மனிக்கு சுற்றுலா வந்த ஏமி லோபஸ் (24) என்னும் அமெரிக்க இளம்பெண்ணை மர்ம நபர் ஒருவர் சீரழித்துக் கொலை செய்தார்.
32 ஆண்டுகளுக்குப் பின் அந்த வழக்கில் குற்றவாளிக்கு ஆயுள் தண்டனை விதிக்கப்பட்டுள்ளது.
ஜேர்மானியருக்கு ஆயுள் தண்டனை
சுற்றுலா சென்ற ஏமிக்கு, தங்குவதற்கு ஹாஸ்டல் ஒன்றைக் காட்டுவதாகக் கூறி அழைத்துச் சென்ற அந்த நபர், அவரை ஒரு பாழடைந்த கட்டிடத்தில் கட்டிப்போட்டு, வன்புணர்ந்து, கொலை செய்துள்ளார்.
ஜேர்மனியின் பிரபலமான Ehrenbreitstein என்னும் கோட்டைக்கு விளையாடச் சென்ற சிறுவர்கள் சிலர், அங்கு சடலமாகக் கிடந்த ஏமியைக் கண்டு பொலிசாருக்கு தகவலளித்துள்ளனர்.
கத்தியால் 9 முறை குத்தப்பட்டு, தலையில் அடிக்கப்பட்டு, கழுத்து நெறிக்கப்பட்டுக் கொல்லப்பட்டிருந்தார் ஏமி.
இந்த வழக்கில் குற்றவாளி சிக்காமலே இருந்த நிலையில், சமீபத்தில், ஹான்ஸ் (Hans. S) என்னும் 81 வயது நபர், தான் செய்த குற்றச்செயல் தனக்கு பெரும் பாரமாக இருப்பதாகவும், தனக்கு தெளிவு வேண்டும் என்றும் கூறி, தனது DNA மாதிரியை பொலிசாருக்குக் கொடுக்க முன்வந்துள்ளார்.
அவர், பல ஆண்டுகளாக பல பாலியல் குற்றங்களில் ஈடுபட்டுவந்துள்ளார். அதற்காக பல ஆண்டுகள் சிறைக்கும் சென்றுள்ளார்.
அந்த DNA மாதிரியை சோதனை செய்த பொலிசார், அது ஏமியின் உடைகளில் கண்டுபிடிக்கப்பட்ட அதே DNA என்பதை உறுதி செய்துள்ளார்கள்.
அதைத் தொடர்ந்து, ஹான்ஸ் இந்த ஆண்டு பிப்ரவரி மாதம் கைது செய்யப்பட்டார்.
இந்நிலையில், நேற்று Koblenz நகர உள்ளூர் நீதிமன்றம், ஏமி கொலை வழக்கில் ஹான்ஸுக்கு ஆயுள் தண்டனை விதித்துள்ளது.
தீர்ப்பு வழங்கப்படும்போது, ஏமியின் பெற்றோரும் நீதிமன்றத்தில் இருந்த நிலையில், அவர்களுடைய சட்டத்தரணியான கேத்ரின் (Kathrin Kienle) என்பவர், இந்த தீர்ப்பு, நடந்ததை இல்லாமல் செய்துவிடாது, ஏமியைத் திரும்பக் கொண்டு வந்தும் விடாது என்பது உண்மைதான் என்கிறார்.
என்றாலும், தங்கள் பிள்ளையை சீரழித்துக் கொன்றவன் இதுவரை வெளியே உலவிக்கொண்டிருக்கிறான் என்பதால், தங்களுக்கு இதுவரை அமைதி கிடைக்கவில்லை என ஏமியின் பெற்றோர் தன்னிடம் கூறியதாகவும் தெரிவிக்கிறார் கேத்ரின்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
புங்குடுதீவு 6ம் வட்டாரம், புங்குடுதீவு, கிளிநொச்சி, கொழும்பு, Crawley, United Kingdom
15 Aug, 2026
