லங்காசிறி FM
புலம்பெயர்ந்தோரை மோசமாக நடத்தும் ட்ரம்ப் புலம்பெயர்தல் பின்னணி கொண்டவர் என்பது உங்களுக்குத் தெரியுமா?
புலம்பெயர்ந்தோரை மோசமாக நடத்தும் அமெரிக்க ஜனாதிபதி ட்ரம்ப், புலம்பெயர்தல் பின்னணி கொண்டவர் என்னும் உண்மையை போட்டு உடைத்துள்ளார் ஜேர்மனியின் புதிய சேன்ஸலர்!
ட்ரம்பின் புலம்பெயர்தல் பின்னணி
ஜேர்மனியின் புதிய சேன்ஸலரான பிரெட்ரிக் மெர்ஸ், அமெரிக்க ஜனாதிபதியான ட்ரம்பை சந்திப்பதற்காக அமெரிக்கா சென்றுள்ளார்.
இந்நிலையில், மெர்ஸ் ட்ரம்புக்கு கொடுத்த பரிசு ஒன்று பரபரப்பை உருவாக்கியுள்ளது.
ஆம், ட்ரம்பின் தாத்தாவின் பிறப்புச் சான்றிதழை ட்ரம்புக்கு பரிசாக கொடுத்துள்ளார் மெர்ஸ். அத்துடன், ட்ரம்பிடம், தன் பெயருக்கும் ட்ரம்பின் தாத்தாவின் பெயருக்கும் ஒரு ஒற்றுமை உள்ளதாகவும் மெர்ஸ் தெரிவித்துள்ளார்.
ஆம், ட்ரம்பின் தாத்தாவின் பெயர் ப்ரெட்ரிக் ட்ரம்ப். அவர் ஜேர்மனியிலிருந்து அமெரிக்காவுக்கு புலம்பெயர்ந்தவர்!
1869ஆம் ஆண்டு, ஜேர்மனியிலுள்ள Kallstadt என்னும் கிராமத்தில் பிறந்த பிரெட்ரிக் ட்ரம்ப், 1885ஆம் ஆண்டு அமெரிக்காவுக்கு புலம்பெயர்ந்துள்ளார்.
பிரெட்ரிக் ட்ரம்பின் மனைவியான எலிசபெத் கிறைஸ்டும் ஜேர்மானியர்தான்.
முடி திருத்துபவராகவும் உணவகம் ஒன்றில் மேலாளராகவும் பணிபுரிந்த பிரெட்ரிக் ட்ரம்ப், பிறகு ரியல் எஸ்டேட் துறையில் கால் பதித்துள்ளார்.
1918ஆம் ஆண்டு ப்ளூ பரவலின்போது அவர் மரணமடைய, எலிசபெத் அவரது ரியல் எஸ்டேட் தொழிலை தொடர்ந்து வெற்றிகரமாக நடத்தியுள்ளார்.
தம்பதியரின் மகனான ஃப்ரெட்ரிக் கிறைஸ்ட் ட்ரம்ப் (Frederick Christ Trump Sr) என்பவர்தான், அமெரிக்க ஜனாதிபதி டொனால்ட் ட்ரம்பின் தந்தை என்பது குறிப்பிடத்தக்கது!
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
சுழிபுரம் மேற்கு, London, United Kingdom
21 Apr, 2024
வேலணை மேற்கு, யாழ்ப்பாணம், கொட்டடி, யாழ்ப்பாணம், Tooting, United Kingdom, Eastham, United Kingdom
24 Apr, 2024
