என்னை பதவிநீக்கம் செய்துவிடுங்கள்... ஜேர்மன் போக்குவரத்துத் துறை அமைச்சர்

Germany

By Balamanuvelan Jul 27, 2026 09:47 AM GMT

Balamanuvelan

in ஜெர்மனி

Report

ஜேர்மன் போக்குவரத்துத் துறை அமைச்சர், தன்னை பதவிநீக்கம் செய்யுமாறு ஜேர்மன் சேன்ஸலரை கேட்டுக்கொள்ள இருப்பதாக தெரிவித்துள்ளார்.

போக்குவரத்துத் துறை அமைச்சரின் கோரிக்கை

ஜேர்மன் சேன்ஸலரான பிரெட்ரிக் மெர்ஸ், அமைச்சரவையில் பல மாற்றங்களைச் செய்துள்ளார்.

என்னை பதவிநீக்கம் செய்துவிடுங்கள்... ஜேர்மன் போக்குவரத்துத் துறை அமைச்சர் | German Transport Minister Schnieder Seek Dismissal

ஜேர்மன் ரயில் போக்குவரத்து தொடர்பில் நாட்டில் அதிருப்தி நிலவிவருவதைத் தொடர்ந்து, போக்குவரத்துத் துறை அமைச்சரான பேட்ரிக் ஷ்னைடரும் மாற்றப்படலாம் என எதிர்பார்க்கப்பட்டது.

ஆனால், இதுவரை சேன்ஸலர் மெர்ஸ் அது குறித்து எந்த அறிவிப்பும் வெளியிடவில்லை.

இதற்கிடையில், ஷ்னைடரும் மாற்றப்படலாம் என தகவல் வெளியான விடயம், அவருடைய சொந்த மாகாணமான Rhineland-Palatinate மாகாணத்தில் கோபத்தை உருவாக்கியுள்ளது.

ஷ்னைடர் கடுமையான உழைப்பாளி, தன் பதவிக்கு தகுதியானவர், அப்படியிருக்கும்போது சேன்ஸலர் மெர்ஸ் ஏன் அவரை பதவிநீக்கம் செய்யவேண்டும், சேன்ஸலரை புரிந்துகொள்ளவே முடியவில்லை என்று கூறியுள்ளார் CDU கட்சி நாடாளுமன்ற உறுப்பினரான Michael Ludwig.

இந்நிலையில், தன் பெயர் இப்படி அடிடுவதால் விரக்தியடைந்துள்ள ஷ்னைடர், தனது பதவி தொடர்பில் ஒரு கண்ணியமற்ற சூழல் உருவாகியுள்ளதால், தன்னால் வேலையில் கவனம் செலுத்தமுடியவில்லை என்றும், தன்னை பதவிநீக்கம் செய்யுமாறு ஜேர்மன் சேன்ஸலரை கேட்டுக்கொள்ள இருப்பதாகவும் தெரிவித்துள்ளார்.

உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள்.

மேலும் ஜெர்மனி செய்திகளைப் படிக்க இங்கே அழுத்தவும்

முக்கிய செய்திகள் பிரபலமானவை

இன்றைய செய்திகள்