ஜேர்மனியில் கட்டாய ராணுவ சேவை மீண்டும் திரும்பலாம்: இளைஞர்கள் கருத்து

ஜேர்மனியில் மீண்டும் ராணுவ சேவை கட்டாயமாக்கப்படலாம் என கருதப்படும் நிலையில், இளைஞர்கள் பலர் அது குறித்த தங்கள் கருத்துக்களை தெரிவித்துவருகிறார்கள்.

இளைஞர்கள் கருத்து

ஜேர்மனியைப் பொருத்தவரை ராணுவ சேவை என்பது கட்டாயமல்ல, விருப்பமுடையோர் தாமாக முன்வந்து ராணுவ சேவை செய்யலாம் என்னும் நிலைதான் உள்ளது. 

ஆனால், அந்த நிலை எப்போது வேண்டுமானாலும் மாறலாம் என கருதப்படுகிறது.

குறிப்பாக, ரஷ்யா உக்ரைன் போர் துவங்கியதிலிருந்து, ரஷ்யாவால் மற்ற நாடுகளுக்கும் ஆபத்து ஏற்படலாம் என்ற அச்சம் உருவாகியுள்ளதால், ஜேர்மனி தனது ராணுவத்தை வலுப்படுத்த விரும்புகிறது.

ஆனால், இளைஞர்கள் பலரும், ராணுவத்தில் சேர தங்களுக்கு விருப்பம் இல்லை என கூறிவருகிறார்கள். 

ஜேர்மனியில் பண்டிகை நாளில் மரம் விழுந்ததில் குழந்தை உட்பட மூவர் பலி

இது நாட்டின் பாதுகாப்புக்காக செய்யப்படும் விடயம் என அரசு சொல்லிக்கொண்டே இருக்கிறது. ஆனால், நாட்டுக்கு அப்படி ஒரு அச்சுறுத்தல் இருப்பதாக தெரியவில்லை. ஆகவே, கட்டாய ராணூவ சேவையை நிறைவேற்ற எனக்கு விருப்பமில்லை என்கிறார் ஒருவர்.

அத்துடன், ராணுவ சேவை செய்ய யாரையும் கட்டாயப்படுத்தக்கூடாது என்கிறது ஜேர்மன் அரசியல் சாசனம். 

ஆனால், 18 வயதை எட்டிய அனைத்து ஜேர்மன் இளைஞர்களும் விடையளிக்க வினாப்பட்டியல் ஒன்றை அனுப்பி வருகிறது ஜேர்மன் ராணுவம்.

அதில் முதல் கேள்வியே, ராணுவ வீரராக உங்களுக்கு விருப்பம் உள்ளதா என்பதுதான்.

விடயம் என்னவென்றால், விருப்பம் இல்லை என பதிலளிப்பவர்களும் கூட ராணுவ மருத்துவர் ஒருவரால் உடல் தகுதி தேர்வு ஒன்றிற்கு உட்படுத்தப்பட இருக்கிறார்கள்.

ஆக, ராணுவ சேவை கட்டாயமாக்கப்படலாம் என்ற கருத்து பரவிவருகிறது. ஆனாலும், ராணுவம் அனுப்பும் வினாப்பட்டியலின் முதல் கேள்விக்கு, ராணுவத்தில் சேர விருப்பமில்லை என்றுதான் பதிலளிக்கப்போகிறேன் என்கிறார் இளைஞர் ஒருவர்.