அமெரிக்காவிடமிருந்து 60 சினூக் கனரக ஹெலிகாப்டர்களை வாங்கும் ஜேர்மனி!
அமெரிக்காவிடமிருந்து 60 சினூக் கனரக ஹெலிகாப்டர்களை ஜேர்மனி வாங்கவுள்ளது.
அமெரிக்காவை தளமாகக் கொண்ட விண்வெளி நிறுவனமான போயிங்கிடம் இருந்து 60 CH-47F சினூக் ஹெவி-லிஃப்ட் ஹெலிகாப்டர்களை வாங்குவதை ஜேர்மன் அரசாங்கம் உறுதி செய்துள்ளது.
ராய்ட்டர்ஸின் அறிக்கையின்படி, உக்ரைனில் நடக்கும் போர் காரணமாக ஹெலிகாப்டரை வாங்குவதற்கான முடிவு ஜேர்மனி அடிக்கடி ஒத்திவைத்து வந்த நிலையில், இப்போது அதனை வாங்குவது உறுதி செய்யப்பட்டுள்ளது.
இந்த ஹெலிகாப்டர் மொடலின் மூலம் ஜேர்மனி அதன் இராணுவ திறனை வலுப்படுத்தும் என்று ஜேர்மன் பாதுகாப்பு அமைச்சர் கிறிஸ்டின் லாம்ப்ரெக்ட் கூறியுள்ளார்.
ஹெலிகாப்டர்களின் விலை குறித்த விவரங்கள் அரசாங்கத்தால் வெளியிடப்படவில்லை.
ஜேர்மனியின் பழமையான சிஎச்-53 சிகோர்ஸ்கி (CH-53 Sikorsky) விமானங்களுக்கு பதிலாக போயிங்கின் CH-47F Chinook ஹெலிகாப்டர்கள் மாற்றப்படவுள்ளன.
இந்நிலையில், போயிங் நிறுவனம் வெளியிட்ட செய்தி அறிக்கையில், “ஜேர்மனி அரசாங்கம் அதன் STH ஹெவி-லிஃப்ட் ஹெலிகாப்டர் தேவைகளுக்காக CH-47F சினூக்கைத் தேர்ந்தெடுத்ததற்கு போயிங் நிறுவனம் பெருமைகொள்கிறது" என்று கூறியது.