புலம்பெயர்ந்தோர் சிலரை எளிதில் நாடுகடத்த சட்டம்: மசோதாவை வெளியிட்டார் அமைச்சர்

புலம்பெயர்ந்தோர் சிலரை ஜேர்மனியிலிருந்து நாடுகடத்துதலை ஒழுங்குபடுத்தும் புதிய புலம்பெயர்தல் மசோதாவை, ஜேர்மனியின் உள்துறை அமைச்சர் வெளியிட்டுள்ளார் .

புலம்பெயர்ந்தோர் சிலரை எளிதில் நாடுகடத்த சட்டம்

ஜேர்மனி புலம்பெயர்தலையும், குடியுரிமை பெறுதலையும் எளிதாக்க ஜேர்மனியில் நடவடிக்கைகள் துரிதமாக எடுக்கப்பட்டுவரும் அதே நேரத்தில், ஜேர்மனியின் உள்துறை அமைச்சர் Nancy Faeser முன்வைத்துள்ள இந்த மசோதா, ஆபத்தானவர்கள் என கண்டறியப்பட்ட புலம்பெயர்ந்தோரை, அதாவது குற்றவாளிகள் மற்றும் ஆட்கடத்தல்காரர்களை அவர்கள் நாட்டுக்கு திருப்பி அனுப்புவதற்கு ஜேர்மன் அதிகாரிகளுக்கு கூடுதல் அதிகாரத்தை வழங்கும்.

மேலும், அவர்களை நாடுகடத்துவதற்காக அதிகாரிகளுக்கு கூடுதல் நேரம் கிடைக்கும் வகையில், அத்தகையவர்களின் தடுப்புக் காவல், 10 நாட்களில் இருந்து 28 நாட்களாக அதிகரிக்கப்பட உள்ளது.

 DW

அத்துடன், சம்பந்தப்பட்ட நபர் மற்றவர்களுடன் தங்கவைக்கப்படும் நிலையில், அவரது படுக்கையறையைத் தவிர மற்ற அறைகளுக்குள் நுழைய பொலிசாருக்கு அனுமதியளிக்கப்படும்.

ஆளுங்கட்சி திடீரென இப்படி ஒரு முடிவெடுக்க என்ன காரணம்?

ஜேர்மனியில் வார இறுதியில் நடைபெற்ற உள்ளாட்சித் தேர்தல்களில் பழமைவாத மற்றும் தீவிர வலதுசாரிக் கட்சிகள் பெரிய அளவில் வெற்றி பெற்றதைத் தொடர்ந்தே நாடு கடத்தலை எளிதாக்கும் நடவடிக்கையை ஆளும் கூட்டணி அரசாங்கம் எடுத்துள்ளது.

Schengen Visa

காரணம், புலம்பெயர்தல் தொடர்பில் ஜேர்மன் மக்களுக்கு உருவாகியுள்ள கவலைகளே, வெற்றிபெற்ற வலதுசாரியினருக்கு ஆதரவாக அவர்களை வாக்களிக்கத் தூண்டியதாக கருத்துக்கள் பரவிவருவதுதான்.

வீடியோவை காண