லங்காசிறி FM
ரஷ்ய அச்சுறுத்தல்... பதுங்கு குழி விரிவாக்கத்தை விரைவுபடுத்தும் ஜேர்மனி
ஜேர்மனி தனது வெடிகுண்டுத் தடுப்பு பதுங்கு குழிகள் மற்றும் தங்குமிடங்களின் தொகுப்பை விரைவாக விரிவுபடுத்துவதற்கான திட்டங்களை வகுத்து வருவதாக அரசாங்கத்தின் மிக மூத்த சிவில் பாதுகாப்பு அதிகாரி தெரிவித்துள்ளார்.
ஜேர்மனி தயாராக இல்லை
அடுத்த நான்கு ஆண்டுகளுக்குள் ரஷ்யாவிடமிருந்து வரும் தாக்குதலுக்கு அரசு தயாராக இருக்க வேண்டும் என்ற எச்சரிக்கையும் விடுத்துள்ளது.
ஐரோப்பாவின் மிகப்பெரிய பொருளாதார நாடான ஜேர்மனி போரின் யதார்த்தத்தை உணர்ந்து கொள்ள வேண்டியிருந்தது, மேலும் அதன் தற்போதைய நிலையில் ஜேர்மனி போதுமான அளவு தயாராக இல்லை என்றும் அரசாங்கத்தின் மிக மூத்த சிவில் பாதுகாப்பு அதிகாரி ரால்ஃப் டைஸ்லர் தெரிவித்துள்ளார்.
நீண்ட காலமாக, போர் ஏற்படும் ஒரு சூழ்நிலை அல்ல என்ற பரவலான நம்பிக்கை ஜேர்மனியில் இருந்தது. அது மாறிவிட்டது. ஐரோப்பாவில் ஒரு பெரிய ஆக்கிரமிப்புப் போரின் அபாயம் குறித்து கவலைப்படும் நிலை ஏற்பட்டுள்ளது என்றார்.
அப்படியான ஒரு அபாய கட்டத்தை எதிர்கொள்ள நேர்ந்தால், உடனடியாக 1 மில்லியன் மக்களுக்கான பதுங்கும் இடம் தயார் நிலையில் இருக்க வேண்டும் என்றார்.
அதற்காகவே சுரங்கப்பாதைகள், மெட்ரோ நிலையங்கள், நிலத்தடி கேரேஜ்கள், கார் நிறுத்துமிடங்கள் மற்றும் பொது கட்டிடங்களின் பாதாள அறைகளை பாதுகாப்பு தங்குமிடங்களாக மாற்றுதல் அவசியம் என அவர் குறிப்பிட்டுள்ளார்.
2,000 பதுங்கு குழிகள்
மேலும், புதிய பதுங்கு குழி வசதிகளை அரசு நிர்மாணிப்பதை நம்பியிருப்பது போதுமானதல்ல என்றும் கூறும் அவர், தற்போதுள்ள கட்டமைப்புகளை உடனடியாக உருமாற்ற நடவடிக்கைகளை முன்னெடுக்க வேண்டும் என்றார்.
உக்ரைன் மீதான ரஷ்யாவின் தொடர்ச்சியான படையெடுப்பு மற்ற நாடுகளில், குறிப்பாக பால்டிக் நாடுகளில் மட்டுமல்லாமல் போலந்து மற்றும் ஜேர்மனியிலும் அச்சத்தை ஏற்படுத்தியுள்ளது.
ஜேர்மனியில் உள்ள சுமார் 2,000 பதுங்கு குழிகள் மற்றும் பனிப்போரில் எஞ்சியிருக்கும் பாதுகாப்பு அறைகளில், சுமார் 580 மட்டுமே செயல்படும் நிலையில் உள்ளன, மேலும் பெரும்பாலானவற்றுக்கு பல மில்லியன் யூரோ மதிப்பிலான மறுசீரமைப்புகள் தேவைப்படுகின்றன.
அவைகளில் சுமார் 480,000 மக்களைப் பாதுகாப்பாக தங்கவைக்க முடியும், இது ஜேர்மன் மக்கள் தொகையில் வெறும் அரை சதவீதம் மட்டுமே. ஒப்பீட்டளவில், பின்லாந்தில் 50,000 பாதுகாப்பு அறைகள் உள்ளன, இது 4.8 மில்லியன் மக்களுக்கு அல்லது அதன் மக்கள் தொகையில் 85% பேருக்கு இடமளிக்கிறது.
ஜேர்மனியை பொறுத்தமட்டில் அடுத்த நான்கு ஆண்டுகளுக்கு பதுங்கு குழிகள் மற்றும் பாதுகாப்பு அறைகளுக்கு என 10 பில்லியன் யூரோ செலவிட வேண்டிய சூழல் ஏற்பட்டுள்ளதாகவும், அடுத்த 10 ஆண்டுகளில் குறைந்தது 30 பில்லியன் யூரோ செலவிட வேண்டும் என்றார்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
புங்குடுதீவு 5ம் வட்டாரம், மானிப்பாய், வண்ணார்பண்ணை, Vaughan, Canada
05 Jun, 2025
வதிரி, அம்பாந்தோட்டை, Oslo, Norway, London, United Kingdom, Sutton, United Kingdom
31 May, 2025
கரணவாய் மேற்கு, Urtenen-Schönbühl, Switzerland, பேர்ண், Switzerland
08 May, 2025
Kuala Lumpur, Malaysia, மட்டுவில், கிளிநொச்சி, Scarborough, Canada
19 Jun, 2024
நெடுந்தீவு, முரசுமோட்டை, Vancouver, Canada, Mississauga, Canada
19 May, 2024
கோண்டாவில் கிழக்கு, கொழும்பு, New Jersey, United States, Winnipeg, Canada
28 Mar, 2025
புங்குடுதீவு 11ம் வட்டாரம், London, United Kingdom, அரியாலை
19 May, 2024
வேலணை 4ம் வட்டாரம், Basel-City, Switzerland, Breitenbach, Switzerland
02 Jun, 2025
யாழ் நெடுந்தீவு கிழக்கு, Jaffna, நெடுந்தீவு, வவுனியா, Montreuil, France
31 May, 2025
