லங்காசிறி FM
ஓடர் ஆறு தொடர்பில் போலி செய்திகளை பரப்புவதாக குற்றம்சாட்டிய போலந்து., நிராகரித்த ஜேர்மனி
கோடிக்கணக்கான மீன்கள் செத்து மிதக்கும் ஓடர் ஆற்றில் பூச்சிக்கொல்லிகள் கலக்கப்பட்டதாக ஜேர்மனி போலி செய்திகளை பரப்புகிறது என்று போலந்து குற்றம் சாட்டியது.
போலந்தின் குற்றச்சாட்டை ஜேர்மனி முற்றிலுமாக நிராகரித்துள்ளது.
போலந்துக்கும் ஜேர்மனிக்கும் இடையில் எல்லையின் பெரும்பகுதியாக இருக்கும் ஓடர் ஆற்றில் மீன்கள் பெருமளவில் இறப்பதற்கு பல பொருட்கள் பங்களித்ததாகத் தெரிகிறது என்று ஜேர்மன் அரசாங்கம் திங்களன்று கூறியது.
போலந்தின் சுற்றுச்சூழல் மந்திரி அன்னா மோஸ்க்வா, இந்த சுற்றுச்சூழல் பேரழிவின் பின்னணியில் பூச்சிக்கொல்லிகள் இருப்பதாக ஜேர்மனி "போலி செய்திகளை" பரப்புகிறது என்று கூறியிருந்தார்.
அவரது கூற்றை ஜேர்மனியின் சுற்றுச்சூழல் அமைச்சகத்தின் செய்தித் தொடர்பாளர் ஆண்ட்ரியாஸ் குப்லர் நிராகரித்தார்.
PC: Sky News
ஆண்ட்ரியாஸ் குப்லர் கூறியதாவது, ஓடரில் மீன்கள் இறந்து போனதற்கான காரணங்களைத் தேடும் பணி இன்னும் முழுமையடையவில்லை., பல கரிம மற்றும் கனிம பொருட்கள் இதற்கு காரணமாக இருக்கலாம் என்று குற்றம் சாட்டப்படுகிறது., இது ஒரு காக்டெய்ல் போல் தெரிகிறது.
உயிரிழப்புக்கு போலந்து பூச்சிக்கொல்லிகளைப் பயன்படுத்தியது தான் காரணம் என்று ஜேர்மனி ஒருபோதும் குற்றம் சாட்டவில்லை என்று குப்லர் கூறினார்.
ஜூலை பிற்பகுதியில் தென்மேற்கு போலந்தில் உள்ள மீனவர்களால் ஓடரில் இறந்த மீன்கள் முதன்முதலில் கவனிக்கப்பட்டன, ஆனால் ஆகஸ்ட் இரண்டாவது வாரம் வரை போலந்து அதிகாரிகளால் இது குறித்து அதிகாரப்பூர்வமாக எந்த அறிவிப்பையும் தரவில்லை என ஜேர்மன் அதிகாரிகள் கூறினர்.
மேலும், இதற்கு காரணமானவர்களை போலந்து அரசு கண்டுபிடிக்க வேண்டும் என்று கூறியுள்ளனர்.
போலந்தில், ஓடர் நதி நீர் சோதனை செய்யப்பட்டு பூச்சிக்கொல்லியின் அளவீட்டு வரம்பிற்குக் கீழே கண்டறியப்பட்டது, அதாவது, மீன் மற்றும் பிற உயிரினங்களில் இது எந்த விளைவையும் ஏற்படுத்தாது என்று போலந்தின் சுற்றுச்சூழல் மந்திரி அன்னா மோஸ்க்வா ட்விட்டரில் கூறியுள்ளார்.
மாதகல், மாங்குளம், Amsterdam, Netherlands, Nuremberg, Germany
01 Jun, 2024
வல்வெட்டித்துறை, London, United Kingdom, Aylesbury, United Kingdom
13 Jun, 2025
