ஜேர்மனியின் முதல் பெண் ஜனாதிபதியாக Ilse Aigner தேர்வாக வாய்ப்பு

Women Presidents

By Ragavan Nov 09, 2026 04:10 PM GMT

Ragavan

in ஜெர்மனி

Report

Merz backs Ilse Aigner as Germany’s First Female President: ஜேர்மனி நாட்டின் முதல் பெண் ஜனாதிபதியாக Ilse Aigner தேர்வாகும் வாய்ப்பு அதிகரித்துள்ளது.

ஜேர்மனியின் முதல் பெண் ஜனாதிபதி

ஜேர்மன் அரசியல் வரலாற்றில் புதிய அத்தியாயம் உருவாகும் வாய்ப்பு ஏற்பட்டுள்ளது. சேன்சலர் ஃப்ரெட்ரிக் மெர்ஸ், பவேரியாவின் முக்கிய அரசியல் தலைவரான Ilse Aigner-ஐ அடுத்த Federal President-ஆக நியமிக்க விருப்பம் தெரிவித்துள்ளார். அவர் தேர்ந்தெடுக்கப்பட்டால், ஜேர்மனியின் முதல் பெண் ஜனாதிபதி வரலாறு படைப்பார்.

Germany-Set-to-Elect-First-Female-President

Ilse Aigner

61 வயதான Ilse Aigner, பவேரியாவின் கிறிஸ்தியன் சோசியல் யூனியன் (CSU) கட்சியைச் சேர்ந்தவர். 1998 முதல் கூட்டாட்சி நாடாளுமன்ற உறுப்பினராக பணியாற்றிய அவர், முன்னாள் சேன்சலர் அங்கேலா மேர்க்கெல் அமைச்சரவையில் வேளாண்மை அமைச்சராகவும் பதவி வகித்துள்ளார்.

தற்போது பவேரிய மாநில நாடாளுமன்றத்தின் தலைவராக உள்ளார்.

தற்போதைய ஜனாதிபதி பிராங்க்-வால்டர் ஸ்டைன்மையர் அவர்களின் இரண்டாவது மற்றும் கடைசி பதவிக்காலம் 2027 மார்ச் மாதத்தில் முடிவடைகிறது. இதனால் புதிய ஜனாதிபதியைத் தேர்ந்தெடுக்கும் தேர்தல் 2027 ஜனவரி 30 அன்று நடைபெற உள்ளது.

ஜேர்மனியில் ஜனாதிபதி நேரடியாக மக்களால் தேர்ந்தெடுக்கப்படுவதில்லை. அதற்குப் பதிலாக, நாடாளுமன்ற உறுப்பினர்கள் மற்றும் மாநில பிரதிநிதிகள் அடங்கிய சிறப்பு தேர்தல் மன்றம் வாக்களித்து ஜனாதிபதியை தேர்வு செய்கிறது.

ஐக்னருக்கு ஆளும் கூட்டணிக் கட்சிகளின் ஆதரவு கிடைக்கும் வாய்ப்பு இருப்பதாக தகவல்கள் தெரிவிக்கின்றன. அவருக்கு சமூக ஜனநாயகக் கட்சி (SPD) மற்றும் பசுமைக் கட்சி (Greens) உறுப்பினர்களிடமிருந்தும் சாதகமான வரவேற்பு கிடைத்துள்ளது.

ஜேர்மனி 2005-ல் அங்கேலா மேர்க்கெலை முதல் பெண் சான்சலராகக் கண்டிருந்தாலும், இதுவரை ஒரு பெண் ஜனாதிபபதியை பெற்றதில்லை. எனவே ஐக்னர் வெற்றி பெற்றால், அது பெண்களின் அரசியல் பிரதிநிதித்துவத்தில் முக்கியமான மைல்கல்லாகக் கருதப்படும்.

மேலும் பாலின சமத்துவம் மற்றும் தலைமைத்துவம் குறித்த விவாதங்களுக்கும் புதிய ஊக்கத்தை அளிக்கும் என அரசியல் பார்வையாளர்கள் மதிப்பிடுகின்றனர்.