லங்காசிறி FM
ஜேர்மனியில் அதிகரிக்கும் முதியோர் மக்கள் தொகை - சமூகச் செலவுகள் உயர்வு
Germany social spending hits record high: ஜேர்மனியின் முதியோர் மக்கள் தொகை காரணமாக சமூகச் செலவுகள் புதிய உச்சத்தை எட்டியுள்ளது.
சமூகச் செலவுகள் உயர்வு
ஜேர்மனியில் முதியோர் மக்கள் தொகை அதிகரிப்பின் காரணமாக சமூகச் செலவுகள் வரலாற்றிலேயே அதிக உயர்வை எட்டியுள்ளதாக Ifo Institute வெளியிட்ட ஆய்வு தெரிவிக்கிறது.
2025-ஆம் ஆண்டில், வயது முதிர்ச்சி மற்றும் நோய்கள் தொடர்பான செலவுகள் மொத்த சமூகச் செலவுகளில் சுமார் 70 சதவீதமாக இருந்தது.
1992-ஆம் ஆண்டிலிருந்து சமூகச் செலவுகளில் ஏற்பட்ட உண்மையான உயர்வில் 80 சதவீதத்திற்கும் மேற்பட்டவை முதியோர் மற்றும் நோய்கள் தொடர்பான செலவுகளால் ஏற்பட்டதாக ஆய்வு கூறுகிறது.
Ifo ஆராய்ச்சியாளர் எமிலி ஹோஸ்லிங்கர், “சமூகச் செலவுகள் GDP-வை விட வேகமாக உயர்கின்றன. அதனால் பலவீனமான பொருளாதார நிலையும் சமூகச் செலவுகளின் பங்கை அதிகரிக்கச் செய்கிறது” என தெரிவித்துள்ளார்.
GDP-யில் 32 சதவீதம்
2019 முதல் 2025 வரை, சமூகச் செலவுகள் 11.5 சதவீதம் உடர்ந்துள்ளன. இது சுமார் 104 பில்லியன் யூரோ (121.33 பில்லியன் டொலர்) ஆகும். இதே காலத்தில், சமூகச் செலவுகள் GDP-யில் 29.6 சதவீதமாக இருந்தது. ஆனால் இப்போது 32 சதவீதமாக உயர்ந்துள்ளது.
செலவுகளுக்கான முக்கிய காரணிகள்:
- முதியோர் மக்கள் தொகைக்கு மருத்துவம் மற்றும் பராமரிப்பு செலவுகள்
- கூட்டாட்சி ஓய்வூதியக் கட்டணங்கள் அதிகரித்தது
ஜேர்மனியின் மக்கள் தொகை அமைப்பில் ஏற்பட்ட மாற்றம், தலைமுறைகளுக்கிடையே நலவாழ்வு சுமையை அதிகரிக்கிறது. இதனால், அரசின் நிதி நிலைமைக்கு பெரும் அழுத்தம் ஏற்பட்டுள்ளது.
இந்த நிலை, ஜேர்மனியின் பொருளாதார வளர்ச்சியை பாதிக்கக்கூடியதாகவும், எதிர்காலத்தில் சமூகச் செலவுகள் மேலும் அதிகரிக்கக்கூடியதாகவும் நிபுணர்கள் எச்சரிக்கின்றனர்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
கொழும்புத்துறை, கொழும்பு, ஸ்கந்தபுரம், London, United Kingdom
09 Aug, 2026
கரவெட்டி, கொக்குத்தொடு, புதுக்குடியிருப்பு 2ம் வட்டாரம், Mullaitivu
27 Aug, 2023
புங்குடுதீவு 10ம் வட்டாரம், புங்குடுதீவு 3ம் வட்டாரம், Ajax, Canada
03 Sep, 2025
