லங்காசிறி FM
போக்குவரத்துத்துறையில் ஒரு புரட்சி: ஜேர்மனியில் அறிமுகமாகும் மோனோரயில்
பிரான்சில், Ferromobiles என அழைக்கப்படும், ரயில் பாதைகளில் இயங்கும் வகையிலான வேன்களை உருவாக்கும் முயற்சி துவக்கப்பட்டுள்ளது நினைவிருக்கலாம்.
ஜேர்மனியில் அறிமுகமாகும் மோனோரயில்
அதேபோல, பயன்பாட்டில் இல்லாத ரயில் பாதைகளில் இயங்கும் வகையிலான MONOCAB OWL என்னும் வாகனத்தை அறிமுகம் செய்ய ஜேர்மன் மாகாணம் ஒன்று திட்டமிட்டுவருகிறது.
ஜேர்மனியின் North Rhine-Westphalia மாகாணத்தில், பயன்பாட்டில் இல்லாத ரயில் பாதைகளில் இந்த MONOCAB OWL என்னும் மோனோரயில் திட்டம் துவக்கப்பட உள்ளது.
மோனோரயில் என்பது, ஒற்றை ரயில் தண்டவாளத்தில் பயணிக்கும் ஒரு வாகனம் ஆகும். அதனால், ஒரு ரயில் தண்டவாளத்தில், ஒரே நேரத்தில் இரண்டு வாகனங்கள் எதிரெதிர் திசையில் பயணிக்கலாம்.
மணிக்கு 60 கிலோமீற்றர் வேகம் வரை செல்லும் இந்த மோனோரயில், பேட்டரி மூலம் இயங்குகிறது.
குறிப்பாக, வாகன வசதிகள் அதிகம் இல்லாத கிராமப்புறங்களுக்கு இந்த மோனோரயில் பெரிதும் உதவியாக இருக்கும்.
டெக்சி புக் செய்வது போல, ஒரு ஆப் உதவியுடன் இந்த வாகனத்தை புக் செய்யலாம்.
Thorsten Försterling என்பவர், 2016ஆம் ஆண்டு முன்வைத்த திட்டத்தின்படி இந்த மோனோரயில் உருவாக்கப்பட்டுவருகிறது.
2028இல் இந்த திட்டம் துவக்கப்படும் என்றும், 2032இல் அது முழுமையாக அமுலுக்கு வரும் என்றும் சம்பந்தப்பட்ட அதிகாரிகள் தெரிவிக்கிறார்கள்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
வல்வெட்டித்துறை, London, United Kingdom, Brampton, Canada
16 Mar, 2026
