லங்காசிறி FM
காதலனின் தவறான ஆசைகளை நிறைவேற்ற உதவிய காதலி: 30 ஆண்டு வழக்கில் மற்றொரு முன்னேற்றம்
தன் காதலனின் தவறான ஆசைகளை நிறைவேற்ற உதவிய பெண் ஒருவர் சம்பந்தப்பட்ட 30 ஆண்டு வழக்கில், மற்றொரு முன்னேற்றம் ஏற்பட்டுள்ளது.
கன்னிப்பெண்களை சீரழிக்கப்பட்ட ஆசைப்பட்ட காதலன்
பிரான்சில் பிறந்த Michel Fourniret என்பவர், 1966ஆம் ஆண்டு, இளம்பெண் ஒருத்தியை பாலியல் ரீதியாக தாக்கியதற்காக சிறையில் அடைக்கப்பட்டார்.
சிறையில் இருந்த காலத்தில் Michelக்கு, Monique Olivier என்ற பெண்ணுடைய பேனா நட்பு கிடைத்துள்ளது . அந்தப் பெண்ணுக்கு எழுதிய கடிதங்களில் தனது மனதிலுள்ள தவறான ஆசைகளையெல்லாம் வெளிப்படுத்தியுள்ளார் Michel.
Photograph: François Nascimbeni/AFP/Getty Images
கன்னிப்பெண்களாக தேர்வு செய்து, அவர்களை சீரழித்துக் கொலை செய்யவேண்டும் என்பது தனது ஆசை என Michel கூற, தனது கணவனைக் கொலை செய்ய உதவினால் Michelஉடைய ஆசைகளை நிறைவேற்ற உதவுவதாக வாக்களித்துள்ளார் Monique.
1987ஆம் ஆண்டு Michel விடுதலை பெற, Moniqueக்கும் அவருக்கும் தவறான உறவு ஏற்பட்டுள்ளது. அத்துடன் இருவருமாக சேர்ந்து இளம்பெண்களைக் குறிவைத்துள்ளார்கள்.
காரில் லிஃப்ட் தருவதாக Monique இளம்பெண்களை ஏமாற்றி அழைத்துவர, கூடவந்து இணைந்துகொள்ளும் Michel அந்த இளம்பெண்களை வன்புணர்ந்து கொலை செய்வார்.
சிக்கிய பிரித்தானிய இளம்பெண்
இப்படி சுமார் ஒன்பது இளம்பெண்கள் கொலை செய்யப்பட்டுள்ளார்கள். அவர்களில் இங்கிலாந்திலுள்ள Newnham என்ற இடத்தைச் சேர்ந்த Joanna Parrishம் ஒருவர்.
1990ஆம் ஆண்டு, பிரான்சிலுள்ள Auxerre என்ற இடத்தில் Joannaவின் உடல் கிடைத்த நிலையில், அவரையும் தான்தான் கொலை செய்ததாக ஒப்புக்கொண்டார் Michel. ஆனால், விசாரணை துவங்கும் முன்பே, 2021ஆம் ஆண்டு, Michel மரணமடைந்துவிட்டார்.
Photograph: PA
மீண்டும் நீதிமன்றத்தில் ஆஜர் செய்யப்படும் குற்றவாளியின் காதலி
அதைத் தொடர்ந்து, Michelஇன் காதலியாகிய Monique மீது Joannaவின் கடத்தல், கொலை மற்றும் வன்புணர்வுக்கு உதவியதாக குற்றச்சாட்டு பதிவு செய்யப்பட்டது. தற்போது 75 வயதாகும் Monique, ஏற்கனவே ஆயுள் தண்டனை விதிக்கப்பட்டு சிறையிலிருக்கிறார்.
இந்நிலையில், அவர் வரும் செவ்வாய்க்கிழமை, பாரீஸ் நீதிமன்றத்தில் ஆஜர் செய்யப்பட இருக்கிறார். பல ஆண்டுகளாக பிரான்ஸ் நீதித்துறை தங்களை கைவிட்டுவிட்டதாக குற்றம் சாட்டியிருந்த Joannaவின் பெற்றோர், தங்கள் மகளின் மரணத்துக்கு நீதி கிடைக்கலாம் என்ற நம்பிக்கையுடன் காத்திருக்கும் நிலையில், Monique ஆஜர் செய்யப்படும்போது ஏதாவது பயனுள்ள தகவல் கிடைப்பதற்கு இது இறுதி வாய்ப்பு என்பதால், விசாரணைக்காக ஆவலுடன் காத்திருக்கிறார்கள்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP இல் இணையுங்கள். |
தொல்புரம், மலேசியா, Malaysia, கொட்டடி, Scarborough, Canada
12 Dec, 2024
தொண்டைமானாறு, காங்கேசன்துறை, London, United Kingdom
23 Nov, 2024
புங்குடுதீவு 12ம் வட்டாரம், புங்குடுதீவு, பேர்ண், Switzerland
12 Nov, 2025
நெடுந்தீவு, ஆனைக்கோட்டை, மானிப்பாய், London, United Kingdom
04 Dec, 2025
கொக்குவில் கிழக்கு, கொக்குவில், திருகோணமலை, கொழும்பு, Croydon, United Kingdom
08 Dec, 2025
புங்குடுதீவு 8ம் வட்டாரம், முள்ளியவளை
11 Dec, 2021
தெல்லிப்பழை, கொல்லன்கலட்டி, Stryn, Norway, Tromso, Norway
10 Dec, 2020
