அரைகுறை ஆடை பெண்களுடன் கும்மாளமடிக்கும் பிரித்தானிய இளவரசியின் கணவர்... கமெராவில் சிக்கிய காட்சிகள்

பிரித்தானிய இளவரசி யூஜீனியின் கணவர், அரை குறை ஆடை பெண்களுடன் காட்சியளிக்கும் காட்சிகள் வெளியாகி பரபரப்பை ஏற்படுத்தியுள்ளன.

பிரித்தானிய இளவரசி யூஜீனி சமீபத்தில் தாயாகியுள்ள நிலையில், அவரது கணவரான ஜாக் ப்ரூஸ்பேங்க், அரை குறை ஆடை அணிந்த சில பெண்களுடன் மத்தியதரைக்கடல் தீவுப்பகுதி ஒன்றில் காணப்படுவதை வெளியாகியுள்ள புகைப்படங்களில் காணலாம்.

சில படங்களில் ஒரு பெண் மேலாடையே இன்றி நிற்பதையும், ஒரு பெண்ணை ஜாக் இடுப்பைப் பிடித்து அணைத்தபடி அழைத்துச் செல்வதையும் பார்த்தால் அதிர்ச்சி ஏற்படுவதைத் தவிர்க்க இயலவில்லை.

யார் அந்த பெண்கள் என்ற கேள்வி எழுந்த நிலையில், அவர்கள் ஜாக்கின் தொழில் முறைக் கூட்டாளிகள் என கூறப்படுகிறது.

ஜாக் தொழில் முறை விருந்து நிகழ்ச்சி ஒன்றிற்காக கேப்ரி என்ற தீவுக்கு சென்றுள்ளதாகவும், அந்த நிகழ்ச்சிக்கு முன் அந்த பகுதியிலுள்ள குகைகளைக் காண ஜாக்கும் அவரது தோழியரும் சென்றதாக கூறப்படுகிறது. ஜாக், Casamigos tequila என்ற மதுபான நிறுவனத்தின் பிராண்ட் அம்பாஸடராம்.

அவருடன் காணப்பட்ட பெண்களில் ஒருவர் Rachel Zalis என்ற பெண். அவர் பெண்களுக்கான பத்திரிகை ஒன்றின் முன்னாள் ஆசிரியரும் Casamigos என்ற மதுபான நிறுவனத்தின் இயக்குநரும் ஆவார்.

Maria Buccellati என்பவர் ஒரு மொடல் மற்றும் ஃபேஷன் அம்பாஸடர். இவர் ஜாக்கின் இடுப்பைப் பிடித்தபடி நிற்கும் புகைப்படத்தை இன்ஸ்டாகிராமில் பகிர்ந்துள்ளார். மூன்றாவது பெண் Erica Pelosini என்ற மொடல்.

மேலாடையைக் குறித்துக் கவலையே இல்லாமல், புகைப்படங்களில் அரை நிர்வாணமாக நிற்கும் இவரைத்தான் இடுப்பைப் பிடித்து அணைத்தபடி ஜாக் அழைத்துச் செல்கிறார்.

பெண்களுடன் அளவளாவும் ஜாக், அவ்வப்போது தன் மொபைலை பார்த்துக்கொள்கிறார். ஒருவேலை வீட்டில் விட்டு வந்த மனைவியுடன் தகவல் பரிமாறிக்கொள்கிறாரோ என்னவோ!