சிக்ஸர் மழைபொழிந்த மேக்ஸ்வெல்! 49 பந்தில் 106 ரன்..வைரல் வீடியோ

மேஜர் லீக் கிரிக்கெட் போட்டியில் கிளென் மேக்ஸ்வெல் சதம் விளாசியதன் மூலம், வாஷிங்டன் ஃபீரிடம் அணி இமாலய வெற்றி பெற்றது. 

மேக்ஸ்வெல் ருத்ர தாண்டவம்

கலிபோர்னியாவின் ஓக்லேண்ட் கோலிசியம் மைதானத்தில் நடந்த போட்டியில், வாஷிங்டன் ஃபீரிடம் மற்றும் லாஸ் ஏஞ்சல்ஸ் நைட் ரைடர்ஸ் அணிகள் மோதின. 

The Big Show Madness 🤯🔥
From 68/4 ➡️ 208/5 💥
106(49) | 13 SIXES 🚀#GlennMaxwell #MLC2025pic.twitter.com/lWvTGHthZR

— MalluTalkies (@MalluTalkies4) June 18, 2025

ஓய்வுபெற்ற பூரன்.,பதிலாக ருத்ர தாண்டவமாடிய வீரர்! டி20யில் இமாலய சாதனை

முதலில் களமிறங்கிய வாஷிங்டன் அணியில் ரச்சின் ரவீந்திர 8 ஓட்டங்களில் வெளியேற, மிட்சேல் ஓவன் அதிரடியாக 32 (11) ஓட்டங்கள் விளாசினார்.

அடுத்து வந்த கோஸ் 12 ஓட்டங்களிலும், ஜேக் எட்வார்ட்ஸ் 11 ஓட்டங்களிலும் ஆட்டமிழக்க, சாப்மேன் 17 ஓட்டங்கள் எடுத்து அவுட் ஆனார்.

எனினும் தனியாளாக அணித்தலைவர் கிளென் மேக்ஸ்வெல் (Glenn Maxwell) ருத்ர தாண்டவம் ஆடினார்.

சிக்ஸர்மழை பொழிந்த கிளென் மேக்ஸ்வெல், ஆட்டமிழக்காமல் 49 பந்துகளில் 106 ஓட்டங்கள் குவித்தார். அவரது ஸ்கோரில் 13 சிக்ஸர்கள், 2 பவுண்டரிகள் அடங்கும். 

வாஷிங்டன் ஃப்ரீடம் 208 ஓட்டங்கள்

இதன்மூலம் வாஷிங்டன் ஃப்ரீடம் அணி 208 ஓட்டங்கள் குவித்து. சங்கா, கார்னே டிரை தலா 2 விக்கெட் வீழ்த்தினர். 

கடைசி டெஸ்டில் ஏஞ்சலோ மேத்யூஸ்! நீ உன் தேசத்திற்கு உண்மையான சேவகன் - ரோஹித் ஷர்மா பிரியாவிடை

இதனைத் தொடர்ந்து ஆடிய லாஸ் ஏஞ்சல்ஸ் அணி, வாஷிங்டன் ஃப்ரீடத்தின் பந்துவீச்சை சமாளிக்க முடியாமல், 16.3 ஓவரில் 95 ஓட்டங்களுக்கு சுருண்டது. 

அதிகபட்சமாக சைப் படார் 32 ஓட்டங்களும், ஹோல்டர் 23 (16) ஓட்டங்களும் எடுத்தனர். ஜேக் எட்வார்ட்ஸ், ஓவன் தலா 3 விக்கெட்டுகளும், நேத்ராவல்கர் 2 விக்கெட்டுகளும் கைப்பற்றினர்.

வாஷிங்டன் ஃப்ரீடம் அணி 113 ஓட்டங்கள் வித்தியாசத்தில் வெற்றி பெற, மேக்ஸ்வெல் ஆட்டநாயகன் விருது பெற்றார்.

சமீபத்தில் ஒருநாள் போட்டியில் ஓய்வை அறிவித்த மேக்ஸ்வெலின் இந்த ருத்ர தாண்டவ ஆட்டம் அவரது ரசிகர்களுக்கு விருந்தாக அமைந்தது.

Glenn Maxwell lit up the MLC 2025 with his incredible match-winning century against LAKR 💥💯#GlennMaxwell #MLC2025 #CricketTwitter pic.twitter.com/pPEr8tg9HA

— InsideSport (@InsideSportIND) June 18, 2025