லங்காசிறி FM
நிர்மலா சீதாராமனிடம் உள்ள தங்க இருப்பு மற்றும் அவரது சொத்து மதிப்பு எவ்வளவு தெரியுமா?
இந்திய நிதியமைச்சர் நிர்மலா சீதாராமானிடம் உள்ள தங்கத்தின் இருப்பு மற்றும் அவரது சொத்து மதிப்பு பற்றிய தகவலை பார்க்கலாம்.
நிர்மலா சீதாராமனின் வாழ்க்கை
இந்தியாவின் முதல் முழுநேர பெண் நிதியமைச்சராக இருக்கும் நிர்மலா சீதாராமன், வரும் பிப்ரவரி 1-ம் திகதி தனது 8-வது பட்ஜெட்டை தாக்கல் செய்கிறார். இந்த பட்ஜெட் மீது சிறு மற்றும் பெரு நிறுவனங்களுக்கு எதிர்பார்ப்பு அதிகமாகவே உள்ளது.
தமிழக மாவட்டமான மதுரையில், 1959 ஆம் ஆண்டு ஆகஸ்ட் 18 ஆம் திகதி நிர்மலா சீதாராமன் பிறந்தார். இவரது பெற்றோர் நாராயணன் சீதாராமன் மற்றும் சாவித்திரி ஆவார்.
இவர் திருச்சியில் உள்ள சீதாலக்ஷ்மி ராமசுவாமி கல்லூரியில் பொருளாதாரத்தில் இளங்கலைப் பட்டப்படிப்பையும், டெல்லியில் உள்ள ஜவஹர்லால் நேரு பல்கலைக்கழகத்தில் (ஜேஎன்யு) பொருளாதாரத்தில் முதுகலை மற்றும் எம்.பில் பட்டமும் பெற்றார்.
இவருடைய அரசியல் பயணத்தை பொறுத்தவரை 2003 முதல் 2005 வரை தேசிய மகளிர் ஆணையத்தின் உறுப்பினராகவும், பாஜகவின் செய்தித் தொடர்பாளராகவும் இருந்துள்ளார்.
சொத்து மதிப்பு
'Myneta.info என்ற இணையதளத்தின் படி, இந்திய நிதியமைச்சர் நிர்மலா சீதாராமனின் மொத்த சொத்து மதிப்பு ரூ.2,63,77,861 ஆகும். இதில் அசையும் மற்றும் அசையா சொத்துக்கள் உள்ளன.
இவரிடம் 315 கிராம் தங்கமும் 2 கிலோ வெள்ளியும் இருக்கிறது. மேலும், மாருதி சுசுகி டிசையர் ரூ.7,33,187 என்ற விலையிலும், ஹூண்டாய் ஐ10 ரூ.3,96,400 என்ற விலையிலும் வைத்திருக்கிறார்.
ஹைதராபாத் அருகே சுமார் ரூ.16 லட்சம் மதிப்புள்ள விவசாயம் அல்லாத நிலம் உள்ளது. இவருக்கு தனிநபர் கடனாக ரூ.65,56,148 இருக்கிறது.
மேலும், ராஜ்யசபா தேர்தல் பிரமாணப் பத்திரத்தில் ரூ.43,500 ரூபாய் மதிப்புள்ள பணமும், ரூ.79,524 வங்கியில் நிலையான வைப்புத் தொகையும் இருப்பதாக நிர்மலா சீதாராமன் குறிப்பிட்டுள்ளார்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP இல் இணையுங்கள். |
பருத்தித்துறை, ஓமான், Oman, India, London, United Kingdom
06 Mar, 2024
பதுளை, புங்குடுதீவு 6ம் வட்டாரம், யாழ்ப்பாணம், Paris, France
28 Feb, 2026
நெடுந்தீவு மேற்கு 4ம் வட்டாரம், நெடுந்தீவு, பிரான்ஸ், France, London, United Kingdom, நல்லூர்
09 Feb, 2026
