ஓரண்டுக்கு தங்கத்தின் விலை இது தான்... Goldman Sachs வெளியிட்ட அறிக்கை

Goldman Sachs just slashed its 2027 gold forecast: Goldman Sachs நிறுவனம் தனது 2027-ஆம் ஆண்டிற்கான தங்க விலை கணிப்பைக் கணிசமாகக் குறைத்துள்ளது.

உலகளாவிய முன்னணி முதலீட்டு வங்கியான கோல்ட்மேன் சாக்ஸ் (Goldman Sachs), தங்கம் விலை தொடர்பான தனது முந்தைய கணிப்புகளை மாற்றியமைத்து புதிய அறிக்கையை வெளியிட்டுள்ளது.

பெரிய ஏற்றம் இருக்காது

அதன் அடிப்படையில், நடப்பாண்டின் இறுதிக்குள் அதாவது டிசம்பருக்குள் தங்கம் விலை ஒரு அவுன்ஸ் 4,150 டொலர் என்ற அளவை எட்டும் என கூறியுள்ளது.

தற்போது 3,840 டொலர்களாக தங்கம் விலை உள்ளது. இதன் மூலம், தங்கம் விலையில் பெரிய ஏற்றம் இருக்காது என்றே கோல்ட்மேன் சாக்ஸ் கூறுகிறது.

மேலும் 2027-ஆம் ஆண்டின் இறுதிக்குள் ஒரு அவுன்ஸ் தங்கம் விலை 4,800 டொலர்களாக இருக்கும் என புதிய இலக்கை நிர்ணயித்துள்ளது. தங்கத்தின் வரலாற்று உச்சபட்ச விலை என்பது 5,600 டொலர்கள்.

ஆனால் அதில் இருந்து1200 டொலர்கள் சரிவில் தான் தங்கம் இருக்கும் என இந்த அறிக்கை கூறுகிறது. எனவே அடுத்த ஆண்டு இறுதி வரை தங்கம் விலை மீண்டும் தனது வரலாற்று உச்சபட்ச விலையை எட்டவோ அதனை தாண்டவோ வாய்ப்பில்லை என்றே இந்த அறிக்கை குறிப்பிடுகிறது.

மூன்றாவது நாளாகத் தொடரும் விமான சேவை முடக்கம்... பைடன் ஆட்சி மீது பழி போடும் ட்ரம்ப்

கோல்ட்மேன் சாக்ஸ் (Goldman Sachs) நிறுவனத்தின் தற்போதைய தங்க விலை முன்னறிவிப்பு முந்தையதை விடக் குறைவாக உள்ளது; இருப்பினும், அந்த அறிக்கை வெளியானதிலிருந்து கிடைத்துள்ள சந்தை தரவுகள், விலையில் பெரிய சரிவு எதையும் இன்னும் காட்டவில்லை.

இந்திய விலை நிலவரத்துடன் ஒப்பிட்டால் ஒரு சவரன் ஆபரண தங்கம் விலை சுமார் 1.20 லட்சம் வரை உயர வாய்ப்புள்ளதாக சொல்லப்படுகிறது. இது வரலாற்று உச்சபட்ச விலையை விட சவரனுக்கு 13,000 ரூபாய் குறைவாகும்.

அதாவது தங்கம் விலை சிறிது காலம் திருத்தில் தான் இருக்கும் என்ற கணிப்பில் தான் கோல்ட்மேன் சாக்ஸ் விலை இலக்கை குறைத்துள்ளது என சொல்லப்படுகிறது. சமீபத்திய மாதங்களில் ஃபெடரல் ரிசர்வின் கடுமையான நிலைப்பாட்டை கோல்ட்மேன் சுட்டிக்காட்டியுள்ளது.

கடுமையான நிலைப்பாடு கொண்ட ஃபெடரல் ரிசர்வ் என்பது, பணவீக்கத்தைக் கட்டுப்படுத்த அதிக வட்டி விகிதங்களை நோக்கிச் செல்லும் ஒன்றாகும்.

அமெரிக்க மத்திய வங்கியின் (Fed) கடுமையான கொள்கை மாற்றமும், டிசம்பர் மாதத்தில் வட்டி விகிதத்தை உயர்த்தும் நடவடிக்கையும், நாணயத்தின் மதிப்பு குறைந்துவிடுமோ என்ற முதலீட்டாளர்களின் அச்சத்தைக் கட்டுக்குள் வைத்திருக்கும் என்று அந்த வங்கி கருதுகிறது.

'நாணய மதிப்பு குறைதல்' (debasement) என்பது, பெரும்பாலும் அரசின் அதிகப்படியான கடன் சுமையால், காலப்போக்கில் ஒரு நாணயத்தின் வாங்கும் திறன் குறைந்துவிடும் என்ற கவலையைக் குறிக்கிறது.

முதலீட்டில் கவனம்

அந்தக் கவலை கட்டுக்குள் இருந்தால், கொள்கை அபாயங்களுக்கு எதிரான பாதுகாப்பாகத் தங்கத்தைக் கோரும் தேவை குறையும் என்று வங்கி எதிர்பார்க்கிறது. கோல்ட்மேன் இந்தத் தேவையை, ஒரு குறிப்பிட்ட சொத்தின் விலை உயரும்போது லாபம் தரும் ஒப்பந்தங்களான 'கால் ஆப்ஷன்கள்' (call options) மூலம் ஓரளவு அளவிடுகிறது.

இந்த ஆண்டு தொடக்கத்தில் காணப்பட்ட அதிக அளவிலான தேவையிலிருந்து, தற்போதைய தேவை மீண்டும் அதன் வரலாற்றுச் சராசரி நிலையை நோக்கித் திரும்பும் என்று அது எதிர்பார்க்கிறது. அடுத்த ஓராண்டுக்கு விலை கணிப்புகள் குறைக்கப்பட்டாலும், தங்கம் மீது நீண்டகால அடிப்படையில் வங்கி உறுதியான நம்பிக்கையுடன் உள்ளது.

உலகளாவிய மத்திய வங்கிகள் குறிப்பாக சீனாவின் மத்திய வங்கி உட்பட பல நாடுகளின் வங்கிகள் தொடர்ந்து தங்கம் வாங்குவது சந்தைக்கு வலு சேர்க்கிறது என்கிறது. அடுத்த 3 முதல் 6 மாதங்களுக்கு, பெடரல் வங்கியின் வட்டி விகித உயர்வு அச்சம், எரிபொருள் விலை ஏற்ற இறக்கங்கள் காரணமாக தங்க முதலீட்டில் கவனமாக இருக்க வேண்டும் என எச்சரித்துள்ளது.

தற்போது தங்கத்தின் விலையில் ஏற்பட்டுள்ள திருத்தம், நீண்டகால முதலீட்டாளர்களுக்கு சிறந்த முதலீட்டு வாய்ப்பாக இருக்கும் என வல்லுநர்கள் கருதுகின்றனர்.