Google அறிமுகப்படுத்திய Gemini for Healthcare - சுகாதார துறைக்கான புதிய AI தீர்வு

Google Artificial Intelligence

By Ragavan Nov 11, 2026 12:56 AM GMT

Ragavan

in தொழில்நுட்பம்

Report

Google Launches Gemini for Healthcare AI Platform: Google நிறுவனம் Gemini for Healthcare எனும் புதிய AI தளத்தை அறிமுகப்படுத்தியுள்ளது.

Gemini for Healthcare

மருத்துவத் துறையில் செயற்கை நுண்ணறிவின் பயன்பாட்டை மேலும் விரிவுபடுத்தும் வகையில், தாமஸ் குரியன் தலைமையிலான Google Cloud, "Gemini for Healthcare" என்ற புதிய AI தீர்வை அறிமுகப்படுத்தியுள்ளது.

இந்த புதிய தளம் மருத்துவமனைகள், காப்பீட்டு நிறுவனங்கள் மற்றும் சுகாதார சேவை வழங்குநர்கள் எதிர்கொள்ளும் தகவல் மேலாண்மை சவால்களை எளிதாக்கும் நோக்கத்துடன் உருவாக்கப்பட்டுள்ளது.

Google-Launches-Gemini-for-Healthcare-AI-Platform

Google தெரிவித்ததாவது, தற்போது மருத்துவத் தகவல்கள் பல்வேறு அமைப்புகளில் சிதறிக் கிடக்கின்றன. நோயாளிகளின் மருத்துவப் பதிவுகள், காப்பீட்டு தகவல்கள் மற்றும் மருத்துவ ஆதாரங்களை ஒருங்கிணைப்பதற்காக மருத்துவர்கள் வாரத்திற்கு சுமார் 28 மணிநேரம் வரை செலவிட வேண்டிய நிலை உள்ளது. இந்த நிர்வாகச் சுமையை குறைப்பதற்காகவே Gemini for Healthcare உருவாக்கப்பட்டுள்ளது.

பல பணிகளை மேற்கொள்ளும்

இந்த AI தளம் medical history தொகுத்தல், நோயாளி சந்திப்புக்கு முன் மருத்துவ குறிப்புகளைத் தயாரித்தல், காப்பீட்டு அனுமதி ஆவணங்களை உருவாக்குதல் மற்றும் நிராகரிக்கப்பட்ட காப்பீட்டு கோரிக்கைகளுக்கான மேல்முறையீட்டு ஆவணங்களை தயாரித்தல் போன்ற பல பணிகளை தானியங்கியாக மேற்கொள்ளும்.

மேலும், Epic EHR, Oracle Health, Optum, Salesforce, Microsoft 365 மற்றும் Google Workspace உள்ளிட்ட பல்வேறு சுகாதார மற்றும் தொழில்நுட்ப தளங்களுடன் Gemini நேரடியாக இணைந்து செயல்படக்கூடியதாக வடிவமைக்கப்பட்டுள்ளது. இதன்மூலம் மருத்துவர்கள் மற்றும் நிர்வாக பணியாளர்கள் பல்வேறு செயலிகளுக்கு இடையே மாறாமல் தேவையான தகவல்களை விரைவாக அணுக முடியும்.

HIPAA விதிமுறைகளை ஆதரிக்கும் பாதுகாப்பு வசதிகளுடன் உருவாக்கப்பட்டுள்ள Gemini for Healthcare, மருத்துவத் தரவுகளுக்கான பாதுகாப்பு, கண்காணிப்பு மற்றும் நிர்வாக கட்டுப்பாடுகளையும் வழங்குகிறது. மேலும், மருத்துவத் தகவல்கள் Google-ன் அடிப்படை AI மாதிரிகளைப் பயிற்சிப்பதற்குப் பயன்படுத்தப்படாது என்று நிறுவனம் உறுதியளித்துள்ளது.

தற்போது அமெரிக்காவில் Preview வடிவில் அறிமுகமாகியுள்ள இந்த புதிய தளம், மருத்துவ சேவைகளை வேகமாகவும் துல்லியமாகவும் வழங்க உதவும் என Google Cloud நம்பிக்கை தெரிவித்துள்ளது.