உங்கள் இதயத்துடிப்பை நீங்களே கேட்கலாம்., கூகுளின் புதிய கண்டுபிடிப்பு

நவீன தொழில்நுட்பம் அனைத்து துறைகளிலும் பெரும் மாற்றங்களை கொண்டு வருகிறது. நேற்று வரை ரத்த அழுத்தம் (BP) மற்றும் ஆக்ஸிஜன் சதவீதம் தெரிந்து கொள்ள மருத்துவமனைக்கு சென்று பரிசோதனை செய்து கொள்ள வேண்டிய நிலை இருந்தது. ஆனால் இப்போது நிலைமை மாறிவிட்டது.

டிஜிட்டல் இயந்திரங்களின் வருகையால், நோயாளிகள் வீட்டிலேயே தங்களது சில உடல்நிலையை கண்டுபிடிக்க எளிதாகிவிட்டது. மேலும் ஸ்மார்ட் வாட்ச்களின் வருகையால், நிலைமை மேம்பட்டுள்ளது. ஸ்மார்ட் வாட்ச்களில் இருந்து உடல்நலம் மற்றும் உடற்பயிற்சி கண்காணிப்புகள் கிடைக்கின்றன, அனைவரும் அவற்றைப் பயன்படுத்துகின்றனர்.

பிரபல தொழில்நுட்ப நிறுவனமான கூகுள் இப்போது இன்னொரு படி முன்னேறி நாம் அன்றாடம் பயன்படுத்தும் வயர்லெஸ் இயர்போன்கள் மூலம் இதயத் துடிப்பை அறியும் வசதியை வழங்கும் முயற்சியில் ஈடுபட்டுள்ளது.

கூகுள் நிறுவனமும் ஏற்கனவே பல ஆய்வுகளை செய்து சோதனை செய்துள்ளதாக அறிவித்துள்ளது. அது என்ன இயர்பட்ஸ் மூலம் இதயத் துடிப்பை அளவிடுவது எப்படி என்று யோசிக்கிறீர்களா? ஆனால் இந்தக் கட்டுரையை முழுமையாகப் படியுங்கள்.

ஹோண்டா அறிமுகம் செய்யும் சூப்பர் ஸ்டைலான EV ஸ்கூட்டர்: அசத்தலான அம்சங்களுடன் Honda SC-E

ANC technology கொண்ட earbuds

வயர்லெஸ் இயர்பட் மற்றும் ஹெட்ஃபோன்களின் பயன்பாடு நாளுக்கு நாள் அதிகரித்து வருகிறது. மக்கள் கூட்டங்கள், மெட்ரோ, பேருந்துகள் என எல்லா இடங்களிலும் இந்த கேஜெட்களை பயன்படுத்துகின்றனர். இந்நிலையில், இயர்பட்கள் மற்றும் ஹெட்ஃபோன்கள் மூலம் உங்கள் இதயத் துடிப்பை அறிய உதவும் தொழில்நுட்பத்தை Google உருவாக்கியுள்ளது.

அதாவது பாடல்களைக் கேட்பதுமட்டுமின்றி உங்கள் உடல்நிலையையும் தெரிந்துகொள்ளலாம். கூகுள் விஞ்ஞானிகள் ஆடியோபிளெதிஸ்மோகிராபியை (audioplethysmography/AGP) வெற்றிகரமாக சோதித்துள்ளனர். இதில், அல்ட்ராசவுண்ட் உதவியுடன் ஒருவரின் இதயத் துடிப்பு இயர்பட்ஸ் மூலம் அளவிடப்படுகிறது.

நல்ல விஷயம் என்னவென்றால், இதற்கு கூடுதல் சென்சார் தேவையில்லை. இயர்பட்ஸில் உள்ள Active Noise Cancellation (ANC) தொழில்நுட்பம் போதுமானது. மேலும் இது காதில் எந்த மோசமான விளைவையும் ஏற்படுத்தாது.

கூகுள் விஞ்ஞானிகள் 153 பேரிடம் இந்த ஆய்வை மேற்கொண்டனர். APG தொழில்நுட்பத்துடன் கூடிய இயர்பட்கள் வழங்கிய தரவு ECG மற்றும் PPG உடன் ஒப்பிடப்பட்டது. ஏபிஜியுடன் கூடிய இயர்பட்கள் மிகவும் துல்லியமான தரவை வழங்கியதாக ஆராய்ச்சியாளர்கள் வெளிப்படுத்தினர். இதய துடிப்பில் 3.21 சதவீத வித்தியாசமும், இதய துடிப்பு மாறுபாட்டில் 2.70 சதவீத வித்தியாசமும் மட்டுமே காணப்படுவதாக அறிவிக்கப்பட்டது. இதில் அதிக பிழை இல்லை என்பது தெளிவாகிறது.

ரூ.1,199-க்கு விற்பனைக்கு வந்த Apple AirPods Pro: Flipkart-ல் வாங்குவது எப்படி?

இதயத் துடிப்பு எப்படி அளவிடப்படுகிறது?

Audioplethysmography (APG) என்பது ஒரு நபரின் இதயத் துடிப்பை அளவிட பயன்படும் ஒரு நுட்பமாகும். இது அல்ட்ராசவுண்ட் பயன்படுத்துகிறது. இயர் பட் ஸ்பீக்கர் மூலம் குறைந்த தீவிரம் கொண்ட அல்ட்ராசவுண்ட் சிக்னலை அனுப்புவதன் மூலம், ஆன்-போர்டு மைக்ரோஃபோன்களைப் பயன்படுத்தி உள்ளே இருந்து வரும் எதிரொலிகளைக் கண்டறிய முயன்றனர். அதாவது, அல்ட்ராசவுண்ட் அலைகள் காது வழியாக நுழைந்து மைக்கிற்கு திரும்பும்.

இரத்த நாளங்களில் ஏற்படும் மாற்றங்கள் அல்ட்ராசவுண்ட் எதிரொலியை இதயத் துடிப்புடன் சரிசெய்கிறது. பொதுவாக, இதயம் துடிக்கும்போது இரத்த நாளங்கள் தொடர்ந்து விரிவடைந்து சுருங்கும். அவற்றின் வடிவத்தில் ஏற்படும் மாற்றங்கள் அல்ட்ராசவுண்ட் அலைகளில் வெவ்வேறு வழிகளில் பிரதிபலிக்கின்றன. இந்த அல்ட்ராசவுண்டின் ஒவ்வொரு ஒலியையும் பகுப்பாய்வு செய்வதன் மூலம் கூகிள் இதயத் துடிப்பைக் கணக்கிட முயற்சிக்கிறது.

மென்பொருள் மேம்படுத்தினால் போதும்..

ஏற்கெனவே நம் பயன்படுத்தப்படும் இயர்பட்கள் மற்றும் ஹெட்ஃபோன்களில் சிறிய மென்பொருள் புதுப்பித்தலின் மூலம் இதயத் துடிப்பைக் கணக்கிடும் தொழில்நுட்பத்தை பயன்படுத்தலாம். கூகுள் அதன் வலைதள பதிவின்படி, APG ஆனது active noise canceling உள்ள எந்த ட்ரூ வயர்லெஸ் ஸ்டீரியோ (TWS) ஹெட்ஃபோன்களையும் ஒரு எளிய மென்பொருள் மேம்படுத்தலுடன் ஸ்மார்ட் சென்சிங் ஹெட்ஃபோன்களாக மாற்ற முடியும். பயனர்கள் என்ன செய்தாலும் இது சீராக வேலை செய்கிறது என்று கூறியுள்ளது.

Oppo வழங்கும் மற்றொரு பட்ஜெட் போன்., குறைந்த விலை, அதிக அம்சங்கள்..

Google researchers transform ordinary ANC earbuds into heart rate monitoring device